فوتو: اشىق دەرەككٶز
"اەروفلوت", "روسسييا" جەنە "پوبەدا" ەۋە كومپانييالارى 100-دەن استام رەيستٸ توقتاتتى نەمەسە كەشٸكتٸردٸ, دەپ حابارلايدى Ult.kz.
28 شٸلدە كٷنٸ "اەروفلوت" IT-ينفراقۇرىلىمىنداعى اقاۋعا بايلانىستى ۇشۋ كەستەسٸن مەجبٷرلٸ تٷردە تٷزەتۋگە مەجبٷر بولعانىن مەلٸمدەدٸ. جولاۋشىلارعا ەۋەجاي سايتتارىنان جەنە اقپاراتتىق تاقتالاردان حابارلامالاردى قاداعالاۋ ۇسىنىلدى.
Silent Crow اتتى پروۋكراينالىق حاكەرلٸك توپ شابۋىلعا جاۋاپكەرشٸلٸكتٸ ٶز موينىنا الدى. ولار بەلارۋستٸك "كيبەرپارتيزان" توبىمەن بٸرگە "اەروفلوتتىڭ" ٸشكٸ جٷيەسٸن تولىقتاي بۇزىپ, 7000 سەرۆەردٸ جويعانىن, 12 تب دەرەكقور مەن 2 تب كورپوراتيۆتٸك پوشتاعا قول جەتكٸزگەنٸن ايتتى.
حاكەرلەردٸڭ مەلٸمدەۋٸنشە, كومپانييادا ەسكٸرگەن Windows XP جەنە Windows Server 2003 جٷيەلەرٸ قولدانىلىپ كەلگەن. كومپانييا باس ديرەكتورى 2022 جىلدان بەرٸ پارولٸن اۋىستىرماعان.
رف باس پروكۋراتۋراسى شابۋىلدى راستادى. شابۋىلدىڭ سالدارىنان "اەروفلوت" بٸر كٷندە 250 ملن رۋبلدەن استام شىعىنعا ۇشىرادى. ساراپشىلار تولىق قالپىنا كەلتٸرۋ ٷشٸن 2 ايدان 1 جىلعا دەيٸن ۋاقىت قاجەت بولۋى مٷمكٸن ەكەنٸن ايتادى.
رەيستەر توقتادى: 28 شٸلدەدە 49 جۇپ رەيس (سونىڭ ٸشٸندە استاناعا دا) توقتاتىلدى. 29 شٸلدە — 21 رەيس, 30 شٸلدە — 12, 31 شٸلدە — 18, ال 1–2 تامىزدا — ەرقايسىسىندا 5 رەيستەن توقتايدى.
بيلەتتەردٸ قايتارۋ نەمەسە باسقا كٷنگە اۋىستىرۋ — تەك جٷيە قالپىنا كەلگەن سوڭ مٷمكٸن بولادى. قازٸرشە تەك بالالارمەن, مٷمكٸندٸگٸ شەكتەۋلٸ ادامدارمەن, سۆو قاتىسۋشىلارىمەن جەنە ترانسفەرمەن جٷرەتٸن جولاۋشىلاردىڭ بيلەتتەرٸ قايتا رەسٸمدەلٸپ جاتىر.
"اەروفلوت" پەن شەرەمەتەۆو باسشىلىعى جولاۋشىلاردان ەۋەجايدا جينالماۋدى سۇرادى. كٶپتەگەن رەيس تۋرالى اقپارات جوق نەمەسە ولار توقتاتىلعان. ەۋەجايدا ۇزىن-سونار كەزەكتەر پايدا بولعان.
شابۋىلدى رف كٶلٸك پوليتسيياسى مەن فسب ەكونوميكالىق قاۋٸپسٸزدٸك قىزمەتٸ تەرگەپ جاتىر. روسكومنادزور مەلٸمدەمە جاساعانىمەن, دەرەكتەردٸڭ ناقتى تارالعانى ەزٸرگە راستالعان جوق.
