Foto: ashyq derekkóz
"Aeroflot", "Rossiia" jáne "Pobeda" áýe kompaniialary 100-den astam reisti toqtatty nemese keshiktirdi, dep habarlaidy Ult.kz.
28 shilde kúni "Aeroflot" IT-infraqurylymyndaǵy aqaýǵa bailanysty ushý kestesin májbúrli túrde túzetýge májbúr bolǵanyn málimdedi. Jolaýshylarǵa áýejai saittarynan jáne aqparattyq taqtalardan habarlamalardy qadaǵalaý usynyldy.
Silent Crow atty proýkrainalyq hakerlik top shabýylǵa jaýapkershilikti óz moinyna aldy. Olar belarýstik "Kiberpartizan" tobymen birge "Aeroflottyń" ishki júiesin tolyqtai buzyp, 7000 serverdi joiǵanyn, 12 TB derekqor men 2 TB korporativtik poshtaǵa qol jetkizgenin aitty.
Hakerlerdiń málimdeýinshe, kompaniiada eskirgen Windows XP jáne Windows Server 2003 júieleri qoldanylyp kelgen. Kompaniia bas direktory 2022 jyldan beri parolin aýystyrmaǵan.
RF Bas prokýratýrasy shabýyldy rastady. Shabýyldyń saldarynan "Aeroflot" bir kúnde 250 mln rýblden astam shyǵynǵa ushyrady. Sarapshylar tolyq qalpyna keltirý úshin 2 aidan 1 jylǵa deiin ýaqyt qajet bolýy múmkin ekenin aitady.
Reister toqtady: 28 shildede 49 jup reis (sonyń ishinde Astanaǵa da) toqtatyldy. 29 shilde — 21 reis, 30 shilde — 12, 31 shilde — 18, al 1–2 tamyzda — árqaisysynda 5 reisten toqtaidy.
Biletterdi qaitarý nemese basqa kúnge aýystyrý — tek júie qalpyna kelgen soń múmkin bolady. Qazirshe tek balalarmen, múmkindigi shekteýli adamdarmen, SVO qatysýshylarymen jáne transfermen júretin jolaýshylardyń biletteri qaita rásimdelip jatyr.
"Aeroflot" pen Sheremetevo basshylyǵy jolaýshylardan áýejaida jinalmaýdy surady. Kóptegen reis týraly aqparat joq nemese olar toqtatylǵan. Áýejaida uzyn-sonar kezekter paida bolǵan.
Shabýyldy RF kólik politsiiasy men FSB ekonomikalyq qaýipsizdik qyzmeti tergep jatyr. Roskomnadzor málimdeme jasaǵanymen, derekterdiń naqty taralǵany ázirge rastalǵan joq.
