قىتايدا ٶمٸر بويىنا سوتتالعان قازاقستاندىق اقجارقىن تۇرلىبايدىڭ ادۆوكاتى قىزدىڭ اناسىنا جازعان حاتىن جارييالادى, - دەپ حابارلايدى Tengrinews.kz تٸلشٸسٸ.
ادۆوكات سۇڭقار نۇرماعانبەتوۆتٸڭ ايتۋىنشا, اقجارقىن قازٸر قىتايدا جازاسىن ٶتەپ جاتىر. ونىڭ ساۋدا جاساۋعا, تۇراقتى تٷردە وتباسىنا قوڭىراۋ شالىپ تۇرۋعا, سونىمەن قاتار حات الىپ, حاتقا جاۋاپ بەرۋگە مٷمكٸندٸگٸ بار ەكەنٸن ايتتى.
زاڭگەر اقجارقىننىڭ اناسىنا جازعان حاتتارىنىڭ بٸرٸن جارييالادى.
"اياۋلى اناشىم. وتباسىممەن بٸرگە بولۋدى قانشالىقتى ارماندايتىنىمدى بٸلسەڭٸز عوي. بالالىق شاعىمدى, سٸزدەردٸ قاتتى ساعىندىم. بٸلەسٸز بە, بٸزدٸڭ جٷرەگٸمٸز بٸر-بٸرٸمەن تىعىز بايلانىستى. بٸز ەلٸ دە جاقىنبىز. مەن وتباسىمىزدىڭ ەربٸر مٷشەسٸن ساعىندىم جەنە جاقسى كٶرەمٸن. سٸزدەن تاعى دا حاتتار مەن فوتولار كٷتەمٸن. سٷيٸسپەنشٸلٸكپەن, قىزىڭىز اقجارقىن", - دەلٸنگەن ٶتكەن جىلدىڭ 15 جەلتوقسانىنداعى حات مەتٸنٸندە.
نۇرماعانبەتوۆ اقجارقىن ەلگە قاشان ورالادى دەگەن ساۋالعا دا جاۋاپ بەرۋگە تىرىستى.
"قازاقستاننىڭ سوتتالعان ازاماتتارىن بەرۋ 2015 جىلى بەيجٸڭدە قول قويىلعان ەكٸجاقتى كەلٸسٸممەن رەتتەلەدٸ. مۇنداي كەلٸسٸم بارلىق ەلدە جوق. بۇل فاكت", - دەيدٸ نۇرماعامبەتوۆ.
پروتسەدۋرا كەلەسٸ قادامداردان تۇرادى:
- ٶمٸر بويى باس بوستاندىعىنان ايىرۋ جازاسىن باس بوستاندىعىنان ايىرۋعا قايتا قاراۋ تۋرالى شەشٸم;
- قر باس پروكۋراتۋراسىنا سوتتالعان ازاماتتاردى قايتارۋ تۋرالى ٶتٸنٸشحات جولداۋ;
- قر باس پروكۋراتۋراسىنىڭ جەنە سىرتقى ٸستەر مينيسترلٸگٸنٸڭ قىتاي تاراپىمەن سوتتالعان ازاماتتاردى قايتارۋدى جٷزەگە اسىرۋ بويىنشا ٶزارا ٸس-قيمىلى.
"ٶتە ماڭىزدى سەت - جازا بيىل قايتا قارالۋى مٷمكٸن. وسىعان كٷش سالۋدامىز. ەڭ الدىمەن, بٸزگە قولداۋ بٸلدٸرگەن قازاقستاندىقتارعا العىس ايتامىن", - دەيدٸ نۇرماعامبەتوۆ.
ەسكە سالا كەتەيٸك, قازاقستاندىق اقجارقىن تۇرلىباي 2014 جىلى ناۋرىزدا گۋانجوۋ ەۋەجايىندا ۇستالعان ەدٸ. كەيٸن ونى ٶمٸر بويىنا باس بوستاندىعىنان ايىرعان بولاتىن. بٸراز ۋاقىتتان كەيٸن سوت ٷكٸمٸ جويىلىپ, ٸس قايتا قاراۋعا جولداندى.
اقجارقىن تۇرلىباي سوت ٷكٸمٸن بٸر جىلدان بەرٸ كٷتٸپ وتىر. ماۋسىمدا قازاقستاندىق ديپلوماتتار قىتايدا سوتتالعان قازاقستاندىق اقجارقىن تۇرلىبايدىڭ كولونييادا يوگا مەن اعىلشىن تٸلٸن ٷيرەتٸپ جٷرگەنٸن حابارلادى.
