ەدٸلحان ەرجانوۆتىڭ نۋار جانرىندا تٷسٸرٸلگەن «گولياف» اتتى جاڭا كٶركەم فيلمٸ 79-شى حالىقارالىق ۆەنەتسييا كينوفەستيۆالٸنٸڭ Orizzonti Extra («جاڭا كٶكجيەكتەر») باعدارلاماسىنا قاتىسادى. بۇل تۋرالى ۆەنەتسييا بيەننالە كٶركەمدٸك جەتەكشٸسٸ البەرتو باربەرا ونلاين فورماتتا ٶتكەن باسپاسٶز وتىرىسىندا مەلٸم ەتتٸ, دەپ حابارلايدى قازاقپارات.
«گولياف» فيلمٸندە بيلٸك پەن باعىنۋ تابيعاتى زەرتتەلەدٸ. كەك الۋ يدەياسى (بٸر جاعىنان مٷمكٸن بولماسا دا) جەنە ٷلكەن تۇلعالار مەن كٸشكەنتاي ادامداردىڭ اراسىنداعى قاقتىعىستار تۋرالى سيۋجەت بۇرىننان بەرٸ ويدا بولاتىن. ەكٸ جىل ٸشٸندە ستسەنارييدٸ بٸرنەشە رەت ٶزگەرتە وتىرىپ, وسى مەسەلەلەردٸ كٶتەرۋگە تىرىستىم. فيلمدە ارت پەن جانر اراسىندا ٶزٸندٸك شەگٸ بار, سوندىقتان مۇنى كەيبٸرەۋلەر تٷسٸنبەۋٸ مٷمكٸن, الايدا جوعارى باعالايتىندار بولادى دەگەن سەنٸم بار», - دەيدٸ فيلمنٸڭ رەجيسسەرٸ ەرٸ ستسەناريي اۆتورى ەدٸلحان ەرجانوۆ.
«قازاقفيلم» كينوستۋديياسىنىڭ قاتىسۋىمەن, قازاقستاندىق Short brothers جەنە Changepoint كينوكومپانييالارى, سونداي-اق رەسەيلٸك All Media (a START Company) مەن «فورەست-فيلم» كومپانييالارى بٸرلەسە تٷسٸرگەن كينوتۋىندىنىڭ وقيعاسى قاراتاس اۋىلىندا ٶربيدٸ. ٶزٸنٸڭ قاتالدىعىمەن جەنە البىرتتىعىمەن بەلگٸلٸ بٶلەگەن ەسٸمدٸ جٸگٸت اۋىل تۇرعىندارىن ٷرەيدە ۇستايدى, ولاردى باسپانامەن, جۇمىسپەن قامتاماسىز ەتەدٸ. وعان قارسى شىققان جانداردى اياۋسىز جاۋاپقا تارتادى. قاراتاس اۋىلىنداعى قىلمىس تۋرالى پوليتسيياعا جەتكٸزبەك بولعان ارزۋدىڭ ەيەلٸ بٷكٸل وتباسىن قاتەرگە تٸگەدٸ.
فيلمنٸڭ تٷسٸرۋ جۇمىستارى بىلتىر جاز ايىندا الماتى تٶڭٸرەگٸندە ٶتتٸ. باستى رٶلدەردٸ قازاقستاندىق بەلگٸلٸ اكتەرلەر: بەرٸك ايتجانوۆ, دانييار الشىنوۆ, الميرا تۇرسىن جەنە ەركەن گۋباشەۆ سومدادى. سونداي-اق, فيلمگە رەسەيلٸك اكتەرلەر دميتريي چەبوتارەۆ جەنە الەكساندرا رەۆەنكو تٷستٸ.
اتالعان كينوۆەستيۆال 31 تامىز بەن 10 قىركٷيەك ارالىعىندا ليدو ارالىندا ٶتەدٸ. فەستيۆال ۇيىمداستىرۋشىلارى بيىل بۇل بايقاۋعا جەتٸ فيلم قاتىساتىنىن حابارلادى. Orizzonti Extra باعدارلاماسى كينو ەلٸمٸنە جاڭالىق الىپ كەلگەن فيلمدەردٸ كٶرسەتٸپ قانا قويماي, ەلەمگە جاڭا رەجيسسەرلەردٸ تانىستىرادى. بۇل باعدارلاما شەڭبەرٸندە تٷرلٸ جانردا جەنە ەر تٷرلٸ فورماتتا تٷسٸرٸلگەن فيلمدەردٸڭ ٸشٸنەن ٷزدٸك تۋىندىنى كٶرەرمەندەردەن قۇرالعان قازىلار القاسى انىقتايدى.
ايتا كەتسەك, ەدٸلحان ەرجانوۆتىڭ «سارى مىسىق» اتتى فيلمٸ 77-شٸ ۆەنەتسييا كينوفەستيۆالٸنٸڭ «كٶكجيەكتەر» باعدارلاماسىنا قاتىسقان بولاتىن.
سونداي-اق, ەدٸلحان ەرجانوۆتىڭ فيلمدەرٸ كانن, لوكارنو, روتتەردام, بريۋگ, ستوكگولم, پۋسان سىندى بەدەلدٸ فەستيۆالدەردە كٶرسەتٸلٸپ, كٶپتەگەن جٷلدەلەرگە يە بولعان. ول 2019 جىلى «قاپ-قارا ادام» فيلمٸ ٷشٸن Asia Pacific Screen Awards (ازييالىق «وسكار» اتانعان) جٷلدەسٸن العان العاشقى قازاقستاندىق رەجيسسەر. حالىقارالىق كانن كينوفەستيۆالٸ شەڭبەرٸندە ەرجانوۆتىڭ ەكٸ بٸردەي فيلمٸ – «ەرەكشە كٶزقاراس» باعدارلاماسىندا «ەلەمنٸڭ ەركە ەنجارلىعى» («لاسكوۆوە بەزرازليچيە ميرا») جەنە «ٷكٸلٸ كامشات» («سپەتسيالنىي پوكاز») كينوتۋىندىلارى كٶرسەتٸلگەن بولاتىن.
