«ەدٸلەت» پارتيياسىنىڭ كانديداتتارى راۋان كەنجەحانۇلى, ماكسيم روجين, ٷنزيلا شاپاق, رەنات بەكتۇروۆ جەنە پارتييانىڭ ٶزگە دە ٶكٸلدەرٸ تٷركٸستان وبلىسىنىڭ تۇرعىندارىمەن كەزدەستٸ.
پارتييانىڭ باسپاسٶز قىزمەتٸ جارييالاعان فوتوسۋرەتتەرگە قاراساق, شارا رەسمي فورماتتا ەمەس, ەركٸن پٸكٸر الماسۋ تٷرٸندە ٶتكەن. جينالعان جۇرت ەسەپ ٷشٸن ەمەس, كٶكەيٸندەگٸ ساۋالدارعا ناقتى جاۋاپ الۋ ٷشٸن كەلگەن. تيٸسٸنشە, تۇرعىندار تاراپىنان ايتىلعان مەسەلە از بولعان جوق.
«ەدٸلەت» پارتيياسىنىڭ رەسپۋبليكالىق سايلاۋالدى شتابى ٶڭٸرلەردٸ ارالاۋدى تٷركٸستان وبلىسىنان باستادى. قۇرىلتاي دەپۋتاتتىعىنا كانديداتتار جەرگٸلٸكتٸ تۇرعىندارمەن كەزدەسٸپ, سايلاۋالدى باعدارلامانىڭ نەگٸزگٸ باسىمدىقتارىن تانىستىردى. كەزدەسۋ بارىسىندا حالىقتى تولعاندىرعان ٶزەكتٸ مەسەلەلەر تالقىلانىپ, تۇرعىنداردىڭ ۇسىنىس-پٸكٸرٸ تىڭدالدى.
تۇرعىندار جول ساپاسى, اۋىلدارداعى اۋىزسۋ تاپشىلىعى, گاز تارتۋ, جايىلىم جەنە سۋارمالى جەردٸڭ جەتٸسپەۋٸ, جاستاردى جۇمىسپەن قامتۋ مەن شاعىن كەسٸپتٸ قولداۋ مەسەلەلەرٸن كٶتەردٸ.
پارتييا تٶراعاسى ايبەك دەدەبايدىڭ ايتۋىنشا, ٶڭٸرلەردٸ ارالاۋداعى باستى ماقسات – رەسمي ٸس-شارا ٶتكٸزۋمەن شەكتەلمەي, حالىق ٷنٸنە قۇلاق اسىپ, تۇرعىنداردىڭ ناقتى سۇرانىسىن ٶز اۋزىنان ەستۋ.
«تٷركٸستان – رۋحاني ەرٸ ەكونوميكالىق ەلەۋەتٸ زور ٶڭٸر. بٷگٸنگٸ اشىق ديالوگ حالىقتىڭ وڭ ٶزگەرٸستەرگە دەگەن سەنٸمٸنٸڭ جوعارى ەكەنٸن كٶرسەتتٸ. بٸز الداعى سايلاۋعا تەك داۋىس سۇراۋ ٷشٸن كەلگەن جوقپىز. سٸزدەردٸڭ سەنٸمدەرٸڭٸزدٸ اقتاۋعا, ەلمەن بٸرگە جاۋاپكەرشٸلٸك جٷگٸن ارقالاۋعا كەلدٸك», - دەدٸ ايبەك دەدەباي.
سونداي-اق ول بٷگٸنگٸ كەزدەسۋدە ايتىلعان ەربٸر سۇراق مٸندەتتٸ تٷردە قارالاتىنىن جەتكٸزدٸ.
«كەنتاۋ, ارىس, ساۋران جەنە تٷركٸستاننىڭ تۇرعىندارىنان تٷسكەن ارىز-شاعىمنىڭ بەرٸ بٸزدٸڭ جەكە باقىلاۋىمىزدا بولادى. بۇنداي كەزدەسۋ ٶڭٸردەگٸ مەسەلەنٸ تەك ەسەپتەن ەمەس, ادامداردىڭ كٶزٸمەن كٶرۋگە مٷمكٸندٸك بەرەدٸ», - دەپ اتاپ ٶتتٸ پارتييا تٶراعاسى.
قۇرىلتاي دەپۋتاتتىعىنا كانديدات راۋان كەنجەحانۇلى پارتييانىڭ «ەدٸلەتتٸ بولاشاق ٷشٸن» سايلاۋالدى باعدارلاماسىن تانىستىرىپ, نەگٸزگٸ باعىتتارىنا توقتالدى. ونىڭ ايتۋىنشا, قۇجاتتا ەلدٸڭ الداعى دامۋ باعىتىن ايقىندايتىن جەتٸ ستراتەگييالىق ماقسات پەن 10 باسىم باعىت ايقىندالعان.
«بٸز ۇسىناتىن باعدارلامادا مەملەكەت قانداي شەشٸم قابىلداماسىن, بەرٸنٸڭ نەگٸزٸندە ادام, ونىڭ قادٸر-قاسيەتٸ, ەل-اۋقاتى مەن ٶمٸردەن لايىقتى ورىن تابۋ مٷمكٸندٸگٸ تۇر. بٸز ەر ادام ەڭبەگٸنە, بٸلٸمٸ مەن جاۋاپكەرشٸلٸگٸنە قاراي تابىسقا جەتە الاتىنداي مٷمكٸندٸكتەر ەكونوميكاسىن قۇرعىمىز كەلەدٸ. ال وسى ماقساتتىڭ ٶلشەۋلٸ, ۇعىنىقتى سۇراۋى بار مەجەسٸ رەتٸندە بٸز الدىمىزعا جەتٸ ناقتى ماقسات قويىپ, سول ماقساتتارعا الداعى بەس جىلدا جەتۋگە مٸندەتتەمە الماقشىمىز», - دەدٸ راۋان كەنجەحانۇلى.
پارتييا ٶكٸلدەرٸنٸڭ ايتۋىنشا, كەزدەسۋ بارىسىندا كٶتەرٸلگەن بارلىق ۇسىنىس پەن ٶتٸنٸش نازارعا الىنىپ, ودان ەرٸ پىسىقتاۋ ٷشٸن رەسپۋبليكالىق سايلاۋالدى شتابقا جٸبەرٸلەدٸ.
ال پارتييا كانديداتتارى الداعى ۋاقىتتا ەلدٸڭ ٶزگە ٶڭٸرلەرٸنە بارىپ, تۇرعىندارمەن اشىق فورماتتاعى كەزدەسۋلەرٸن جالعاستىرادى.
دايىنداعان:
«ەدٸلەت» پارتيياسىنىڭ باسپاسٶز قىزمەتٸ.
«ەدٸلەت» پارتيياسى» قب سايلاۋ قورىنىڭ قاراجاتى ەسەبٸنەن تٶلەندٸ.
تاپسىرىس بەرۋشٸ: ن.ت. مىڭجاساروۆ.
