قر پارلامەنتٸ مەجٸلٸسٸنٸڭ كۋلۋارىندا مارات بەكەتاەۆ ٶزٸنٸڭ قىزمەتتٸك كٶلٸگٸن ايىرباستاعىسى كەلمەيتٸنٸن ايتتى, دەپ حابارلايدى Baq.kz تٸلشٸسٸ.
ەدٸلەت مينيسترٸ بارلىق مينيسترلەر سيياقتى قر پرەزيدەنتٸنٸڭ ٸس-باسقاراماسىنان قىزمەتتٸك كٶلٸكتٸ جالعا الادى. ول جالعا بەرٸلگەن قىزمەتتٸك كٶلٸككە قانشا اقشا تٶلەيتٸنٸ جٶنٸندەگٸ اقپارات قولجەتٸمدٸ ەكەنٸن اتاپ ٶتتٸ.
«مينيسترلەردٸڭ مەملەكەتتٸك بيۋدجەت ەسەبٸنەن بەرٸلەتٸن قىزمەتتٸك كٶلٸكپەن جۇمىسقا بارۋى قالىپتى جاعداي. جەكە كٶلٸك – بۇل جەكە اقپارات. قر پرەزيدەنتٸنٸڭ ٸس-باسقاراماسىنان مينيسترلەردٸڭ كٶلٸكتٸ جالعا الاتىنى سيياقتى مەن دە قىزمەتتٸك كٶلٸكتٸ جالعا الدىم. ونىڭ ماركاسى – لەكسۋس. جالعا الۋ باعاسى بەلگٸلەنگەن. بۇل – اقپارات اشىق. مەن بۇل سۇراققا نەگە سونشا مەن بەرٸپ وتىرعاندارىڭىزدى تٷسٸنبەدٸم», - دەدٸ ول.
سونداي-اق جۋرناليستەر مينيسترگە «سٸزدٸڭ قىزمەتتٸك كٶلٸگٸڭٸز قىمبات ەمەس پە, قازاقستاندا جاسالعان اۆتوكٶلٸككە وتىرعىڭىز كەلمەي مە?» دەگەن ساۋال جولدادى.
«مەنٸڭ قىزمەتتٸك كٶلٸگٸم سونشالىقتى قىمبات ەمەس. ەگەر بٸز استانانىڭ اۋا رايىن ەسەپكە الساق, مەن قازٸر مينيسترلەر ۆەلوسيپەدكە كەنەتتەن وتىرىپ كەتەدٸ دەپ ويلامايمىن», - دەدٸ مارات بەكەتاەۆ باق ٶكٸلدەرٸنٸڭ سۇراعىنا.
وسى ورايدا مينيستر اتالعان مەسەلەگە بايلانىستى جۋرناليستەردٸ شۋ شىعارماۋعا شاقىردى. ونىڭ ايتۋىنشا, بۇل مەسەلەنٸ باق ٶكٸلدەرٸ ەدەيٸ ۋشىقتىرىپ جٷر ەكەن.
«مەنٸڭ كٶپتەگەن ەرٸپتەستەرٸمنٸڭ وتاندىق اۆتوپرومنىڭ ٶنٸمٸنە كٶڭٸلدەرٸ تولادى. ولار وتاندىق كٶلٸكتەردٸ پايدالانۋدا. مەن تاعى دا سٸزدەردٸ اتالعان مەسەلە جٶنٸندە شۋ شىعارماۋعا شاقىرامىن. بۇل جەردەن «ينتريگا» ٸزدەۋدٸڭ قاجەتٸ جوق», - دەپ تٷيٸندەدٸ سٶزٸن ەدٸلەت مينيسترٸ.
