فرانتسييا ٷكٸمەتٸنە كەڭەس بەرەتٸن دەنساۋلىق ساقتاۋ سالاسىنداعى عالىمدار توبى حالىقتىڭ 95%-ىن ۆاكتسينالاۋ كەرەك ەكەنٸن ەسكەرتتٸ, دەپ حابارلايدى قازاقپارات.
فرانتسۋز ماماندارى COVID-19-دىڭ دەلتا-نۇسقاسىنىڭ تارالۋىن توقتاتۋ ٷشٸن ەل تۇرعىندارىنا ەكپە سالۋ كەرەك دەپ سانايدى.
«دەلتا-نۇسقامەن بايلانىستى پاندەمييانىڭ تٶرتٸنشٸ تولقىنى تەز تارالىپ, ۆاكتسينالاۋدىڭ قازٸرگٸ جوعارى دەڭگەيٸنە قاراماستان, دەنساۋلىق ساقتاۋ جٷيەسٸنە شىعىن كەلتٸرۋٸ مٷمكٸن», - دەدٸ عىلىمي كەڭەستٸڭ ٶكٸلدەرٸ فرانتسۋزدىق باق-قا.
«ادامداردىڭ 90-نان 95 پايىزىنا دەيٸن ۆاكتسينا الماسا نەمەسە ينفەكتسييا جۇقتىرعان بولماسا, پاندەمييانى قاداعالاي الماي قالامىز», - دەپ قوستى ماماندار.
قازٸرگٸ كەزدە فرانتسييا تۇرعىندارىنىڭ جارتىسىنا جۋىعى ۆاكتسينانىڭ بٸرٸنشٸ دوزاسىن, 40%-ى ەكٸنشٸ دوزاسىن العان. رەسپۋبليكا ٷكٸمەتٸ وسى جىلدىڭ تامىز ايىنىڭ اياعىنا دەيٸن فرانتسييا حالقىنىڭ ٷشتەن ەكٸسٸن – 35 ملن تۇرعىندى تولىق قورعاۋدى قامتاماسىز ەتۋدٸ جوسپارلاپ وتىر.
كارانتيندٸ جەڭٸلدەتۋ بويىنشا شارالاردان كەيٸن فرانتسييادا جۇقتىرۋ جاعدايلارىنىڭ ٶسۋٸمەن بايلانىستى ەل پرەزيدەنتٸ ەممانۋەل ماكرون دٷيسەنبٸ كٷنٸ پاندەمييامەن كٷرەستٸڭ جاڭا شارالارى تۋرالى حابارلايدى دەپ كٷتٸلۋدە.
فرانتسييانىڭ عىلىمي كەڭەسٸ العاش رەت ٷندٸستان, انگلييا, شوتلاندييا, يرلاندييا جەنە پورتۋگالييادا انىقتالعان دەلتا-نۇسقانىڭ تارالۋىن قاداعالاۋدى كٷشەيتۋگە شاقىردى.
