بٷگٸن پارلامەنت مەجٸلٸسٸنٸڭ جالپى وتىرىسىندا ەكٸنشٸ وقىلىمدا ماقۇلدانعان «حالىق دەنساۋلىعى جەنە دەنساۋلىق ساقتاۋ جٷيەسٸ تۋرالى» قازاقستان رەسپۋبليكاسى كودەكسٸنٸڭ جوباسىندا ترانسپلانتولوگييا مەسەلەلەرٸن رەتتەيتٸن نورمالار پىسىقتالدى, دەپ حابارلايدى قازاقپارات.
اتاپ ايتقاندا, ەلەۋمەتتٸك-مەدەني دامۋ كوميتەتٸنٸڭ قۇجات بويىنشا قورىتىندىسىنا سەيكەس, مەجٸلٸس ناقتى شەكتەۋ ماقساتىندا «تٸرٸ دونور», «قايتىس بولعان دونور», «ىقتيمال رەتسيپيەنت» ۇعىمدارى ەنگٸزٸلدٸ.
«قايتىس بولعان دونوردان اعزالار مەن تٸندەردٸ الۋ تەرتٸبٸن رەتتەيتٸن تٷزەتۋلەر ەنگٸزٸلدٸ. مەسەلەن, دونور بولۋعا ٶزٸنٸڭ كەلٸسپەيتٸندٸگٸ تۋرالى تٸرٸ كەزٸندە ەرٸك بٸلدٸرۋٸ بولعان كەزدە, اعزالاردى الۋ مٷمكٸن ەمەس ەكەندٸگٸ كٶزدەلدٸ. ەگەر مۇنداي ٶتٸنٸش قايتىس بولعاننان كەيٸن بولماسا, وندا ونىڭ اعزالارىن الۋ تەك جۇبايىنىڭ (زايىبىنىڭ) جازباشا كەلٸسٸمٸمەن, ال ول بولماعان كەزدە جاقىن تۋىستارىنىڭ كەلٸسٸمٸمەن عانا جٷزەگە اسىرىلۋى مٷمكٸن», - دەلٸنگەن قورىتىندىدا.
سونداي-اق, مۇنداي كەلٸسٸمنٸڭ قاجەتتٸلٸگٸن پاتولوگييالىق اناتومييالىق وپەراتسيياعا قاتىستى دا بەلگٸلەۋ ۇسىنىلدى. بۇل رەتتە پاتولوگييالىق اناتومييالىق وپەراتسييا مٸندەتتٸ بولىپ تابىلاتىن جاعدايلاردىڭ تٸزبەسٸ ٷشكە دەيٸن قىسقارتىلدى: ٶلٸ تۋۋ, انا مەن بالا ٶلٸمٸ.
«شەتەلدٸك ازاماتتاردىڭ مۇقتاجدىقتارى ٷشٸن قازاقستاننان اعزالار مەن تٸندەردٸ ەكەتۋ مٷمكٸندٸگٸ الىپ تاستالدى. دەپۋتاتتار اعزالاردى شەتەلدەردە مەديتسينالىق كٶمەك الاتىن قازاقستان رەسپۋبليكاسىنىڭ ازاماتتارى ٷشٸن عانا ەكەتۋدٸ ۇسىندى», - دەپ اتالىپ ٶتكەن تاراتىلعان مەلٸمەتتە.
بۇدان بٶلەك, اناتومييالىق سىي مەسەلەلەرٸن رەتتەيتٸن باپ ايتارلىقتاي پىسىقتالدى. دەپۋتاتتار اناتومييالىق سىي رەتٸندە جەكە باسى انىقتالعان, مەديتسينالىق ۇيىمدا قايتىس بولعاندار جەنە جەرلەۋ ٷشٸن 10 كٷننٸڭ ورنىنا 20 كٷن ٸشٸندە سۇراۋى بولماعاندار عانا تانىلۋى مٷمكٸن دەپ بەلگٸلەۋدٸ ۇسىندى. بۇل رەتتە تانىلماعان مەيٸتتەر اناتومييالىق سىي رەتٸندە بەرٸلمەيدٸ.
