شىمكەنتتە پوليتسييا كەمەلەتكە تولماعانداردى جەزٶكشەلٸكپەن اينالىسۋعا, جەڭگەتايلىققا, سونداي-اق, ۇيىمداسقان قىلمىستىق توپ قۇرامىندا جىنىستىق قاناۋ ماقساتىندا ادام ساۋداسىنا تارتۋ دەرەگٸ بويىنشا قىلمىستىق ٸستٸ تەرگەپ جاتىر, - دەپ حابارلايدى Polisia.kz.
تەرگەۋ بارىسىندا ولاردىڭ قىلمىستىق ەرەكەتتەرٸ شىمكەنت, تٷركٸستان جەنە تاراز قالالارىندا جٷزەگە اسىرىلعانى انىقتالدى. توپتاعى رولدەر ناقتى بٶلٸنگەن. ونىڭ ۇيىمداستىرۋشىلارى ٷش اپالى-سٸڭلٸ بولىپ شىقتى. ولار سەنٸمدٸ ادامدارىمەن بٸرگە قىلمىستىق ەرەكەتتەردٸ ٷيلەستٸرگەن.
قورقىتۋ مەن بوپسالاۋ, "ايىپپۇلدار" ارقىلى قىزداردى سينتەتيكالىق ەسٸرتكٸ قولدانۋعا جەنە اقىلى (كەيدە ەرتٷرلٸ تاۋار ٷشٸن دە) جىنىستىق قىزمەت كٶرسەتۋگە مەجبٷرلەگەن.
توپتىڭ كەيبٸر مٷشەلەرٸ جاس ەيەلدەر مەن قىزداردى ٸزدەۋمەن اينالىسقان. ولارمەن تانىسىپ, سەنٸمٸنە كٸرە وتىرىپ, وسى "ٸسكە" تارتقان. قىزداردى ەلەۋمەتتٸك جەلٸ ارقىلى قاراعاندى, سەمەي, اتىراۋ, شىمكەنت, تاراز, قىزىلوردا قالالارى مەن تٷركٸستان وبلىسىنان تاپقان. بيلەت ساتىپ الۋ مەن تۇرۋعا كەتكەن شىعىندى قىلمىستىق توپتىڭ ۇيىمداستىرۋشىلارى تٶلەگەن.
توپتىڭ باسقا مٷشەلەرٸ "ەكٸمشٸ" جەنە "كاسسير" رولٸن اتقارعان. ولار قىزداردىڭ تەرتٸبٸن قاداعالاپ, ەسەپ پەن كاسسا جٷرگٸزٸپ, ينتەرنەتتەگٸ جارنامالار ارقىلى تابىلعان "كليەنتتەردٸ" قابىلداپ وتىرعان.
قىلمىسكەرلەردٸڭ تاپقان تابىسى شامامەن 150 ميلليون تەڭگەنٸ قۇرايدى.
جىنىستىق ساۋدانىڭ قۇرباندارى اراسىندا 17 مەن 25 جاس ارالىعىنداعى 14 قىز بار, ونىڭ ٸشٸندە التى قىز - كەمەلەتكە تولماعاندار.
قىزداردى جالدامالى پەتەرلەردە ۇستاپ, جەزٶكشەلٸكپەن اينالىسۋعا مەجبٷرلەگەن. بٸرقاتار جاعدايدا كٷدٸكتٸلەر قىزداردى ٶزٸمەن بٸرگە ەرتٸپ, قوناقٷيلەر مەن ساۋنالارعا اپارعان. قىزدار تۋعان-تۋىستارىن تىنىشتاندىرۋ ٷشٸن اتا-انالارىنا بالا كٷتۋشٸ بولىپ جۇمىس ٸستەيتٸندەرٸن ايتقان. كەيبٸر جاعدايلاردا ۇيىمداستىرۋشىلار قىزداردىڭ اتا-انالارىمەن كەزدەسۋگە بارىپ, ٶزدەرٸن "بالا كٷتۋشٸگە جۇمىس بەرۋشٸ" سيياقتى كٶرسەتكەن.
بارلىعى 11 ادام ۇستالعان, ولار قازٸر شىمكەنتتەگٸ تەرگەۋ يزولياتورىندا قاماۋدا وتىر.
وسى دەرەك بويىنشا 18 قىلمىستىق ٸس قوزعالعان, ونىڭ ٸشٸندە 2 دەرەك قىلمىستىق كودەكسٸنٸڭ 262-بابىنىڭ 1, 2-بٶلٸگٸ (ۇيىمداسقان قىلمىستىق توپ قۇرۋ جەنە وعان قاتىسۋ), 5 دەرەك 128-بابى (ادام ساۋداسى), 5 دەرەك 134-بابى 3-بٶلٸگٸ (كەمەلەتكە تولماعان ادامدى جەزٶكشەلٸكپەن اينالىسۋعا تارتۋ), 2 دەرەك 308-بابى (جەزٶكشەلٸككە تارتۋ), 3 دەرەك 309-بابى (پريتون ۇستاۋ مەن جەڭگەتايلىق), 1 دەرەك 297-بابى (ەسٸرتكٸ زاتتارىن الۋ, ساقتاۋ, تاسىمالداۋ) بويىنشا تەرگەلٸپ جاتىر.
