پرەزيدەنت قاسىم-جومارت توقاەۆ ادام قۇقىقتارى جٶنٸندەگٸ ۋەكٸل ەلۆيرا ەزٸموۆانى قابىلدادى, دەپ حابارلايدى "ۇلت اقپارات" اقورداعا سٸلتەمە جاساپ.
قاسىم-جومارت توقاەۆقا ادام قۇقىقتارى جٶنٸندەگٸ ۋەكٸلدٸڭ 2021 جىلى اتقارعان جۇمىسىنىڭ قورىتىندىلارى, سونىڭ ٸشٸندە ازاماتتاردىڭ قۇقىقتارىن قايتا قالپىنا كەلتٸرۋگە كٶمەكتەسۋ ٷشٸن قابىلدانىپ جاتقان شارالار تۋرالى مەلٸمەت بەرٸلدٸ.
ەلۆيرا ەزٸموۆا مەملەكەت باسشىسىنا سوتقا دەيٸنگٸ تەرگەۋ ساتىسىندا ونىڭ ٸشٸندە قاڭتار وقيعاسى اياسىندا ادام قۇقىقتارىن قورعاۋ مەسەلەلەرٸ جٶنٸندە باياندادى. سونىمەن قاتار پرەزيدەنتكە قۇقىق قورعاۋ ورگاندارىنىڭ قىزمەتٸ تۋرالى زاڭنامانى جەتٸلدٸرۋ, تٶتەنشە جاعداي رەجيمٸ كەزٸندە ادام قۇقىقتارىن قورعاۋ جەنە القابيلەر سوتىنىڭ مانداتىن كەڭەيتۋ جٶنٸندە ۇسىنىس بەرٸلدٸ.
ادام قۇقىقتارى جٶنٸندەگٸ ۋەكٸلگە كونستيتۋتسييالىق سوتقا جٷگٸنۋ قۇقىعىن بەرۋ تۋرالى پرەزيدەنت باستاماسى اياسىندا ومبۋدسمەن مەملەكەت باسشىسىنا ەۋروپا كەڭەسٸ ۆەنەتسييا كوميسسيياسىنىڭ ۇسىنىستارى جٶنٸندە جەتكٸزدٸ. اتالعان باستاما قاسىم-جومارت توقاەۆتىڭ جۋىرداعى جولداۋىندا ايتىلدى.
ەلۆيرا ەزٸموۆا پرەزيدەنتكە ادام قۇقىقتارى سالاسىنداعى ەكٸنشٸ شارالار توپتاماسى بويىنشا ەزٸرلەنٸپ جاتقان ۇسىنىستاردى تانىستىردى.
كەزدەسۋ قورىتىندىسى بويىنشا قاسىم-جومارت توقاەۆ ازاماتتاردىڭ قۇقىقتارىن تيٸمدٸ قورعاۋدى قامتاماسىز ەتۋگە باعىتتالعان بٸرقاتار تاپسىرما بەردٸ. مەملەكەت باسشىسى ۋەكٸلدٸڭ باس پروكۋراتۋرامەن تىعىز بايلانىستا بولىپ, حالىققا تەرگەۋ نەتيجەلەرٸ تۋرالى كەڭٸنەن اقپارات بەرۋ قاجەت ەكەنٸن اتاپ ٶتتٸ.
