ادام قۇقىقتارى جٶنٸندەگٸ ۋەكٸل ەلۆيرا ەزٸموۆا باس پروكۋراتۋرانى قاڭتار تراگەديياسىنا بايلانىستى تەرگەۋلەر بويىنشا تٷسكەن انونيمدٸ شاعىمدارعا قۇلاق اسۋعا شاقىردى, دەپ حابارلايدى قازاقپارات.
«حابار-24» تەلەارناسىندا ٶتكەن بريفينگٸدە ادام قۇقىقتارى جٶنٸندەگٸ ۋەكٸل ەلدەگٸ تٶتەنشە جاعداي رەجيمٸ كەزٸندە قاماۋعا الىنعانداردىڭ قۇقىقتارى بۇزىلعانىن راستايتىن دەرەكتەر بار ەكەنٸن ايتتى.
«ازاماتتاردىڭ قۇقىعى بۇزىلعانى تۋرالى 39 ٶتٸنٸش تٷستٸ. ونىڭ 20-سى — ازاپتاۋ مەن قاتىگەزدٸككە قاتىستى جازباشا تٷردە تٷسكەن ٶتٸنٸشتەر. قالعاندارى نەگٸزسٸز قاماۋعا الۋ, ەكٸمشٸلٸك جازالاۋ تۋرالى سوت شەشٸمدەرٸمەن كەلٸسپەۋ, مەديتسينالىق كٶمەك كٶرسەتپەۋ, ادۆوكاتتاردى جٸبەرمەۋ مەسەلەلەرٸنە قاتىستى», - دەدٸ ەلۆيرا ەزٸموۆا.
ەلۆيرا ەزٸموۆا اتىراۋداعى رەزونانستى جاعداي بويىنشا پٸكٸر بٸلدٸرە كەلٸپ, باس پروكۋراتۋراعا ۇسىنىس تاستادى.
«ايتىلعان بارلىق مەن-جايلاردى جەنە ازاماتتاردىڭ قىلمىستىق قۋدالاۋدان قورقاتىنىن ەسكەرە وتىرىپ, باس پروكۋراتۋراعا ناقتى شاعىمداردىڭ تٷسۋٸن كٷتپەي, بارلىق انونيمدٸك تٷردە كەلگەن حابارلامالاردى, سونداي-اق, ەلەۋمەتتٸك جەلٸدەگٸ حابارلامالاردى تەكسەرۋدٸ باستاۋ كەرەك», -دەدٸ ادام قۇقىقتارى جٶنٸندەگٸ ۋەكٸل.
