«Adal» ساياسي پارتيياسى شىمكەنت قالاسى مەن تٷركٸستان وبلىسىندا فيليالدارىن تٸركەدٸ. بۇل تۋرالى قر ەدٸلەت ۆيتسە-مينيسترٸ ازامات ەمٸرعاليەۆ ايتتى, دەپ حابارلايدى "ۇلت اقپارات".
«قر ازاماتتىق كودەكسٸنٸڭ 42-بابىنا سەيكەس, زاڭدى تۇلعالار اتاۋىن ٶزگەرتكەن كەزدە مەملەكەتتٸك تٸركەۋدەن قايتادان ٶتۋٸ قاجەت. ولاردىڭ فيليالدارى دا ەسەپتٸك قايتا تٸركەلۋٸ تيٸس. وسى جىلدىڭ 11 قاراشاسىندا «بٸرلٸك» ساياسي پارتيياسى «Adal» ساياسي پارتيياسى رەتٸندە مەملەكەتتٸك قايتا تٸركەۋدەن ٶتتٸ. «Adal» ساياسي پارتيياسىنىڭ بارلىق 17 فيليالى تيٸستٸ ەسەپتٸك قايتا تٸركەۋگە الىندى. وسىلايشا ولاردىڭ بارلىق 17 ٶڭٸردە فيليالى بار», - دەدٸ ول ورتالىق سايلاۋ كوميسسيياسى وتىرىسىندا.
سونىمەن قاتار ازامات ەمٸرعاليەۆ قازاقستاننىڭ كوممۋنيستٸك حالىق پارتيياسى وسى جىلدىڭ 12 قازانىندا قازاقستاننىڭ حالىق پارتيياسى رەتٸندە قايتا تٸركەۋدەن ٶتكەنٸن اتاپ ٶتتٸ. بارلىق ٶڭٸرلەردەگٸ فيليالدارى دا تٸركەلگەنٸن ايتتى.
«بٷگٸنگٸ كٷنٸ پارتييالاردى تٸركەۋ پروتسەدۋراسى اياقتالدى», - دەدٸ ەدٸلەت ۆيتسە-مينيسترٸ.
وسى رەتتە ورتالىق سايلاۋ كوميسسيياسىنىڭ تٶراعاسى بەرٸك يماشەۆ «Adal» ساياسي پارتيياسىنىڭ ٶڭٸرلٸك فيليالدارىنا قاتىستى اقپاراتتى ناقتىلاۋدى ٶتٸندٸ.
«سٸز «Adal» ساياسي پارتيياسىنىڭ بارلىق ٶڭٸردە فيليالى بار دەيسٸز. شىمكەنت قالاسى مەن تٷركٸستان وبلىستىق فيليالدارىنا قاتىستى اقپارات بەرسەڭٸز. بۇعان دەيٸن اتالعان ٶڭٸرلەردە فيليالدارى بولماعان ەدٸ», - دەدٸ ول.
ٶز كەزەگٸندە قر ەدٸلەت ۆيتسە-مينيسترٸ «Adal» ساياسي پارتيياسى شىمكەنت قالاسى مەن تٷركٸستان وبلىسىندا فيليالىن تٸركەگەندٸگٸن اتاپ ٶتتٸ.
