يسپانييا قۇراماسى فۋتبولدان 2026 جىلعى ەلەم چەمپيوناتىنىڭ جەڭٸمپازى اتاندى. فينالدا ارگەنتينامەن كەزدەسكەن يسپانييالىقتار قوسىمشا ۋاقىتتا سوعىلعان جالعىز گولدىڭ ارقاسىندا 1:0 ەسەبٸمەن جەڭٸسكە جەتتٸ, دەپ حابارلايدى ult.kz.
ماتچتىڭ العاشقى مينۋتتارىنان-اق يسپانييا قۇراماسى شابۋىلدى ٷدەتٸپ, قارسىلاس قاقپاسىنا قاۋٸپ تٶندٸردٸ. ارگەنتينا فۋتبولشىلارى دا قارىمتا شابۋىل ۇيىمداستىرىپ, تارتىستى ويىن ٶرنەگٸن كٶرسەتتٸ. الايدا نەگٸزگٸ ۋاقىت ٸشٸندە ەكٸ كوماندا دا ەسەپ اشا المادى.
ەكٸنشٸ تايمدا يسپانييانىڭ باسىمدىعى ايقىنىراق بايقالدى. كەزدەسۋدٸڭ شەشۋشٸ سەتتەرٸنٸڭ بٸرٸندە ارگەنتينالىق جارتىلاي قورعاۋشى ەنتسو فەرناندەس قىزىل قاعاز الىپ, كومانداسىن ون ويىنشىمەن قالدىردى.
قوسىمشا ۋاقىتتىڭ 106-مينۋتىندا فەرران توررەس قارسىلاس قاقپاسىن دەل كٶزدەپ, يسپانيياعا جەڭٸس سىيلاعان گولدى سوقتى. نەتيجەسٸندە يسپانييالىقتار 1:0 ەسەبٸمەن جەڭٸپ, ەلەم چەمپيوناتىنىڭ التىن مەدالٸن يەلەندٸ.
بٸر ايدان استام ۋاقىتقا سوزىلعان دٷبٸرلٸ دودا وسىلايشا ٶز مەرەسٸنە جەتتٸ. فينالعا شىققان ەكٸ قۇراما دا بۇعان دەيٸن ەلەم چەمپيونى اتانعان تەجٸريبەلٸ كوماندالار سانالادى.
تۋرنير بارىسىندا يسپانييا ن توبىندا ۋرۋگۆايدى (1:0), ساۋد ارابيياسىن (4:0) جەڭٸپ, كابو-ۆەردەمەن (0:0) تەڭ ويناپ, جەتٸ ۇپايمەن پلەي-وفف كەزەڭٸنە شىقتى. كەيٸن اۋسترييانى (3:0), پورتۋگالييانى (1:0), بەلگييانى (2:1) جەنە جارتىلاي فينالدا فرانتسييانى (2:0) جەڭٸپ, فينالعا جولداما الدى.
ارگەنتينا ٶز كەزەگٸندە J توبىندا بارلىق كەزدەسۋٸندە جەڭٸسكە جەتٸپ, توعىز ۇپايمەن بٸرٸنشٸ ورىن الدى. كەيٸن كابو-ۆەردەنٸ (3:2, قوسىمشا ۋاقىتتا), ەگيپەتتٸ (3:2), شۆەيتسارييانى (3:1, قوسىمشا ۋاقىتتا) جەنە انگلييانى (2:1) جەڭٸپ, فينالعا دەيٸن جەتتٸ.
وسى جەڭٸستەن كەيٸن يسپانييا ەلەم چەمپيوناتى تاريحىنداعى تٶرتٸنشٸ تيتۋلىن جەڭٸپ الدى. ال ارگەنتينا تٶرتٸنشٸ رەت چەمپيون اتانۋ مٷمكٸندٸگٸن پايدالانا المادى.
ايتا كەتەيٸك, ٷشٸنشٸ ورىن ٷشٸن ٶتكەن كەزدەسۋدە انگلييا قۇراماسى فرانتسييانى 6:4 ەسەبٸمەن جەڭٸپ, قولا جٷلدەگە يە بولدى.
