تەرگەۋ يزولياتورىنا سوتتىڭ سانكتسيياسىمەن تٷسكەن ازاماتتاردى ازاپتاپ جاتقان جوق. بۇل تۋرالى «امانات» كومسيسسيياسىنىڭ تٶراعاسى ابزال قۇسپان ايتتى, دەپ حابارلايدى قازاقپارات.
«بٸزدٸڭ تٸكەلەي مٸندەتٸمٸزگە كٸرمەسە دە, تەرگەۋ يزولياتورىنا كٸرگەن كەزدە شاعىم ايتقان ازاماتتاردىڭ ارىزدارىن جازىپ الىپ, ول بويىنشا باس پروكۋراتۋراعا 4 بەتتٸك ۇسىنىسىمىزدى جەتكٸزدٸك. العاشقى ۇرىپ-سوعۋ ازاپتاۋ جاعدايلارى ۇستاۋ كەزٸندە بولعان. 5-6 قاڭتار جاپپاي تەرتٸپسٸزدٸك بولسا, شامامەن, 8, 9, 10 قاڭتار ارالىعىندا جاپپاي ۇستاۋ شارالارى جٷرگٸزٸلدٸ. وسى كەزدە سونداي ەرەكەتكە جول بەرٸلدٸ, - دەدٸ ول باق ٶكٸلدەرٸنە ارنالعان بريفينگ بارىسىندا.
ونىڭ اتاپ ٶتۋٸنشە, ۇستالعان كەزدە قۇقىق قورعاۋ ورگاندارى تاراپىنان جەبٸر كٶرگەن ازاماتتاردىڭ ٸسٸن پروكۋراتۋرا مەن جەمقورلىققا قارسى قىزمەت تەكسەرەدٸ. الماتى قالاسى جەنە ٶزگە ٶڭٸرلەردە انتيكور تاراپىنان ٸشكٸ ٸستەر ورگاندارى قىزمەتكەرلەرٸنە قاتىستى قوزعاعان قىلمىستىق ٸستەر بار.
«تالدىقورعان قالاسىندا ازامات باتىرباەۆتىڭ قانداي جاعدايعا ۇشىراعانىن تەپتٸشتەپ جازىپ بەرگەن بٸزدٸڭ كوميسسييا بولاتىنىن. ارقاسىنا ٷتٸك باسقانىن, قانداي حالدە جاتقانىن مەرزٸمدەرٸمەن كٶرسەتتٸك. ونداي جاعدايلاردى بٸز اشىق ايتتىق. ولارعا قاتىستى باس پروكۋراتۋرا دا ەسەر ەتٸپ, جۇمىس ٸستەپ جاتىر. قاماۋعا وق تيٸپ جاراقات العان ازاماتتاردىڭ جاعدايى سول جەردە جٸتٸ قارالدى. بٸراق بٸز ەڭ الدىمەن وسىنداي ساناتتى بوساتۋ ٸستەرٸمەن اينالىستىق. ال تەرگەۋ يزولياتورىنا سوتتىڭ سانكتسيياسىمەن تٷسكەن ازاماتتاردى ازاپتاپ جاتىر دەپ ايتا المايمىز. سەبەبٸ بٸزگە تٷسكەن ارىز-شاعىمداردىڭ بارلىعى ۇستاۋ كەزٸندە بولعانىن ايتادى, - دەدٸ ادۆوكات.
