قازاقستاندا ەۋە قاتىناسى قالپىنا كەلۋٸنە بايلانىستى ەۋەجايلار مەن ەۋە كومپانييالارى قانداي شارتتاردى ەسكەرۋٸ تيٸس? بۇل مەسەلەگە قاتىستى «اتامەكەن» ۇكپ باسقارما تٶراعاسى ابىلاي مىرزاحمەتوۆ پٸكٸر بٸلدٸردٸ, دەپ حابارلايدى قازاقپارات
«شەتەلدە قالىپ كەتكەن ازاماتتارىمىزدى الىپ كەلۋ نەمەسە شەتەلدٸك مامانداردى ەلدەرٸنە قايتارۋعا قاتىستى كەيبٸر چارتەرلٸك رەيستەردٸڭ ورىندالعانى بولماسا ەلدەگٸ ەۋە كومپانييالارى وسىعان دەيٸن امالسىز توقتاپ تۇردى. ەرينە جۇمىسى توقتاعاننان كەيٸن ولار تابىستان قاعىلدى. مويىندارىندا نەسيەلەرٸ, ۇجىمىنا بەرۋٸ تيٸس ايلىعى سيياقتى شىعىندارى بار. جالپى ەلەمدٸك جاعدايعا قاراساق, بٸرٸنشٸ قاتتى قيىندىقتى كٶرٸپ جاتقان بيزنەس سالالارىنىڭ الدىڭعى لەگٸندە – ەۋەجاي مەن تۋريزم, ارتىنشا قىزمەت كٶرسەتۋ سالاسى تۇر. سوندىقتان ەۋەجايلارعا كٶمەكتەسۋ كەرەك», - دەدٸ ابىلاي مىرزاحمەتوۆ ۇلتتىق كەسٸپكەرلەر پالاتاسىنىڭ Facebook پاراقشاسىندا ونلاين رەجيمدە سٶيلەگەن سٶزٸندە.
پالاتا باسشىسى ەيتسە دە جولاۋشىلاردى تاسىمالداعاندا ەۋەجاي ەكٸمشٸلٸگٸ ادامداردىڭ اراسىنداعى ەلەۋمەتتٸك قاشىقتىق ەرەجەسٸن ساقتاۋى كەرەكتٸگٸن ەسكە سالدى.
«وسى ەرەجەلەردٸ ەسكەرسەك, بٸر ۇشاققا جولاۋشىلاردى تولىققاندى الىپ كٸرۋ قيىن بولادى. ياعني ولار شامامەن 30-40 پايىز دەڭگەيٸندە جولاۋشىلاردىڭ سانىن قىسقارتۋى كەرەك. ونىڭ قالاي بولاتىنى بويىنشا سانيتارلىق دەرٸگەرلەرمەن, ساراپشىلارمەن اقىلداسقان ابزال. ەۋە كومپانييالارى وسى ەرەجەلەردٸ ساقتاي وتىرىپ, ۇشقان كەزدە شىعىندارىن ٶتە الا ما, جوق پا – ەسەپتەلۋٸ تيٸس. ەكٸنشٸدەن ەۋە كومپانييالارىنىڭ نەگٸزگٸ شىعىندارى جانارمايمەن بايلانىستى. مۇناي ارزانداعاننان كەيٸن جانارمايدىڭ باعاسى تٶمەندەدٸ. مۇنى دا ەسكەرٸپ, بيلەتتٸڭ باعاسىن ٶسٸرمەۋ كەرەك. ياعني شىعىن تۇتىنۋشىلاردىڭ موينىنا ٸلٸنبەۋٸ تيٸس», - دەدٸ ول.
ەسكە سالا كەتسەك قر پرەزيدەنتٸ قاسىم-جومارت توقاەۆ تٶتەنشە جاعداي رەجيمٸن بيىلعى 11 مامىرعا دەيٸن ۇزارتۋ جٶنٸندە شەشٸم قابىلدادى. بۇل تۋرالى مەملەكەت باسشىسى بٷگٸنگٸ مەلٸمدەمەسٸندە ايتقان بولاتىن.
