قوعام قايراتكەرٸ مۇرات ەبەنوۆ ۇلتتىق قوعامدىق كەڭەستٸڭ جۇمىسى ساياسي مەسەلەلەرمەن عانا شەكتەلمەۋ كەرەك دەگەن پٸكٸردە. بۇل تۋرالى ول ورتالىق كوممۋنيكاتسييالار ورتالىعىندا ٶتكەن برفينگ بارىسىنداي ايتتى, دەپ حابارلايدى "ۇلت اقپارات".
«كەڭەستٸڭ قۇرىلۋىنىڭ قاجەتتٸگٸن بەرٸمٸز تٷسٸنٸپ وتىرمىز. جاڭا عانا كەڭەستٸڭ قۇرامىن قاراپ شىقتىم. ماعان ەر تٷرلٸ سالادان, ەر تٷرلٸ ساياسي پارتييالاردان ٶكٸلدەر بار بولعانى ۇنادى. مەنٸڭ ويىمشا, بۇل ۇيىم اندا-ساندا, 2-3 ايدا بٸر رەت رەسمي جيىن ٶتكٸزەتٸن رەسمي جولدان تارتىنىپ, قوعامداعى ەڭ ٶزەكتٸ مەسەلەلەردٸ تالقىلايتىن الاڭ بولۋى كەرەك. كەڭەستٸڭ جۇمىسى تٶڭٸرەگٸندە تەك قانا ساياسي مەسەلەلەر ەمەس, ەلەۋمەتتٸك مەسەلەلەر دە تالقىلاناتىنى ۇنادى. بۇل بٸزگە مەملەكەتتٸك باعدارلامالاردى ساراپتاپ, تالداپ, ۇسىنىس بەرٸپ, كەمشٸلٸكتەر بولسا بٸردەن ايتىپ, پروبلەمانىڭ ۋشىعىپ, كٷشەيٸپ كەتۋٸنە جول بەرمەي, دەر كەزٸندە دۇرىس ۇسىنىستار جاساۋعا مٷمكٸندٸك بەرەدٸ», - دەدٸ ول.
قوعام قايراتكەرٸ بەلسەندٸ ازاماتتاردىڭ وي-پٸكٸرٸ مەملەكەتتٸك ورگاندار تاراپىنان ەسكەرٸلمەي جاتقانىن ايتادى.
«قازٸر بٸزدٸڭ ازاماتتار ٶتە بەلسەندٸ. بٸراق, ٶكٸنٸشكە وراي, مەملەكەتتٸڭ ورگاندارىنىڭ باسشىلارىمەن تٸكەلەي بايلانىس جاساۋعا كٶبٸنٸڭ مٷمكٸندٸگٸ جوق. كەيبٸر مينيسترلٸك اشىق, جارييالى تٷردە جۇمىس ٸستەسە, كەيبٸر مەملەكەتتٸك ورگانداردىڭ باسشىلارى جابىق جۇمىس جٷرگٸزەدٸ. مەنٸڭ ويىمشا, كەڭەس مٷشەلەرٸ ەل الدىنداعى جاۋاپكەرشٸلٸگٸن تٷسٸنە وتىرىپ, وسى كەڭەستٸڭ ٶكٸلەتتٸلٸگٸن پايدالانىپ, ٶز سالالارى بويىنشا كٶپتەگەن كٷردەلٸ مەسەلەلەردٸڭ تيٸمدٸ شەشٸلۋٸنە اتسالىسۋى كەرەك», - دەيدٸ ول.
مۇرات ەبەنوۆ قازٸر كٶپتەگەن ٶزەكتٸ مەسەلەلەر تەك ەلەۋمەتتٸك جەلٸ الاڭىندا عانا ايتىلىپ كەلە جاتقانىن دا تٸلگە تيەك ەتتٸ.
«كٶپ ازاماتتار مەسەلەلەرٸن قايدا ايتارىن بٸلمەي, ەلەۋمەتتٸك جەلٸمەن شەكتەلٸپ جٷرگەن ەدٸ. مەملەكەتتٸك باعدارلامالاردىڭ تيٸمسٸزدٸگٸن مەملەكەت باسشىسى دا سىنادى. كٶبٸنەسە باعدارلامالاردى تالقىلاۋ جابىق تٷردە, مينيسترلٸك جانىندا عانا ٶتەدٸ. سوندىقتان, وعان قاتىستى سىن ەلەۋمەتتٸك جەلٸ دەڭەيٸندە عانا قالىپ كەلدٸ. قوعامدىق كەڭەستەردٸڭ جۇمىسىندا بۇل قاراستىرىلعانىمەن, ولاردىڭ مينيسترلٸك جانىنان قۇرىلعانىن ۇمىتپاۋ كەرەك. بۇل كەڭەس تەك مەسەلەلەردٸ تالقىلاپ قانا قويماي, ەلدەگٸ پٸكٸرتالاستى تالدايتىن بولادى», - دەدٸ قوعام قايراتكەرٸ.
