اباي ەڭبەكتەرٸن كەمٸندە 10 تٸلگە اۋدارۋىمىز كەرەك. بۇل تۋرالى بٷگٸن ابايدىڭ 175 جىلدىق مەرەيتويىن دايىنداۋ جەنە ٶتكٸزۋ جٶنٸندەگٸ مەملەكەتتٸك كوميسسييا وتىرىسىندا قر پرەمەر-مينيسترٸنٸڭ ورىنباسارى بەردٸبەك ساپارباەۆ ايتتى, دەپ حابارلايدى قازاقپارات.
«كەلەسٸ جىلى بٸزدٸڭ الدىمىزدا ٷلكەن تاريحي, مەدەني ماڭىزى بار شارالار تۇر. بٸزدٸڭ مٸندەتٸمٸز - ونى ٶز دەڭگەيٸندە ٶتكٸزٸپ, ەلٸمٸزدٸڭ, ۇلتىمىزدىڭ تاعى دا بٸر رەت ابىرويىن, بەدەلٸن دٷنيەجٷزٸنە تانىتۋ. مەملەكەت باسشىسى قاسىم-جومارت توقاەۆتىڭ تاپسىرماسىنا سەيكەس, ٷكٸمەت بارلىق مەملەكەتتٸك ورگاندارمەن بٸرٸگٸپ, جالپى رەسپۋبليكالىق جوسپاردىڭ جوباسىن ەزٸرلەدٸ. قازٸرگٸ تاڭدا بۇل جوسپار بارلىق مەملەكەتتٸك ورگاندارمەن كەلٸسٸلدٸ. وسى جوسپارعا سەيكەس, بارلىق ەلدٸ مەكەندەردە, اۋدان, وبلىس ورتالىقتارىندا, ەلوردادا, رەسپۋبليكالىق, حالىقارالىق دەڭگەيدە ەڭ كەمٸندە 500-دەن استام ٸس-شارا ٶتۋٸ كەرەك. ەڭ نەگٸزٸ ماقساتىمىز - وسى ٸس-شارالارعا ەسٸرەسە جاستاردى تارتۋ. وعان قوسىمشا مەرەيتويلاردى حالىقارالىق دەڭگەيدە ٶتكٸزۋ ٷشٸن بٸز قازٸر يۋنەسكو, تٷركسوي حالىقارالىق ۇيىمدارىمەن جۇمىس جاساپ جاتىرمىز. قازٸر بارلىعىمەن كەلٸسٸم بار. ەرينە, نەگٸزگٸ ٸس-شارالار شقو-نىڭ سەمەي ٶڭٸرٸندە ٶتەدٸ», - دەدٸ ب.ساپارباەۆ.
ونىڭ اتاپ ٶتۋٸنشە, كوميسسييا مٷشەلەرٸ قاراۋىل, جيدەبايدا بولعان. سول جەردە ماماندارمەن بولعان كەزدەسۋدە جيدەبايداعى مۋزەيدٸ, قورىقتى, موۆزولەيدٸ قالپىنا كەلتٸرۋ مەسەلەلەرٸ تالقىلانعان. اقشوقى, كەڭگٸربايدا, قۇنانباي, اباي جەرلەنگەن جەرلەردە قانداي قۇرىلىمدار, قانداي ٸس-شارالار ٶتۋٸ تيٸستٸگٸ اقىلعا سالىنعان.
«اباي قۇنانبايۇلى شىعارمالارىن كٸتاپ قىلىپ شىعارۋ, دەرەكتٸ فيلمدەر تٷسٸرۋ سىندى جۇمىستار جوسپارعا سەيكەس جٷرگٸزٸلٸپ جاتىر. بٸز كەم دەگەندە ۇلى اقىننىڭ ەڭبەكتەرٸن 10 تٸلگە اۋدارۋىمىز كەرەك. ودان كەيٸنگٸ يۋنەسكو تٶڭٸرەگٸندەگٸ شارا پاريج قالاسىندا جوسپار بويىنشا قاراشا ايىندا ٶتەتٸن بولادى. بٸزبەن قارىم-قاتىناسى جاقسى مەملەكەتتەردە ابايتانۋ ورتالىعىن اشۋ جٶنٸنەن جۇمىس جٷرگٸزٸلٸپ جاتىر, ەلشٸلٸكتەرمەن كەلٸسٸم بار. بۇل ورايداعى نەگٸزگٸ جۇمىس نۇر-سۇلتانداعى ل.گۋميلەۆ اتىداعى ەۋرازييا ۇلتتىق ۋنيۆەرسيتەتٸ اياسىندا جٷرگٸزٸلەتٸن بولادى», - دەدٸ ۆيتسە-پرەمەر.
سونىمەن قاتار, ول ابايدىڭ 175 جىلدىق مەرەيتويىنا قانشا قاراجات جۇمسالاتىندىعىن دا ايتتى.
«رەسپۋبليكالىق بيۋدجەتتەن 3,2 ملرد تەڭگە قارجى بٶلٸنگەن. قازٸرگٸ تاڭدا جەرگٸلٸكتٸ بيۋدجەتتەن 500 ملن تەڭگە بٶلٸنٸپ وتىر. قالعانىن جۇمىس كەزٸندە كٶرەمٸز. بۇعان قوسا دانيال كەنجەتايۇلىمەن (شقو ەكٸمٸ احمەتوۆ - اۆت.) كەلٸستٸك. سول ٶڭٸردەن شىققان قالتالى ازاماتتار, سول ٶڭٸردە جۇمىس ٸستەپ جاتقان ٷلكەن كومپانييالار بار. بٸز سول دەمەۋشٸلەردٸڭ دە قارجىلاي مٷمكٸندٸگٸن پايدالانىپ, قوسىمشا قارجى كٶزدەرٸن تابامىز دەپ جوسپارلاپ وتىرمىز», - دەدٸ ول.
