«اباي-ۆەرن» موبيلدٸ بٸلٸم باعدارلاماسىنا قاتىسۋ ٷشٸن ٶتٸنٸش قابىلداۋ باستالدى, دەپ حابارلايدى "ۇلت اقپارات" بٸلٸم جەنە عىلىم مينيسترلٸگٸنە سٸلتەمە جاساپ.
باعدارلاما بويىنشا 30-دان استام قازاقستاندىق ماگيسترانت پەن دوكتورانت فرانتسييادا تەگٸن بٸلٸم الا الادى.
ۇتقىرلىق باعدارلاماسى كوروناۆيرۋس پاندەميياسىنا بايلانىستى موراتوريي ەنگٸزٸلگەننەن كەيٸن بٸر جىل ٶتكەن سوڭ قايتا جٷزەگە اسىرىلا باستادى.
بٸلٸم جەنە عىلىم مينيسترٸ اسحات ايماعامبەتوۆ پەن فرانتسييانىڭ قازاقستانداعى ەلشٸسٸ ديدە كانەسس فرانكو-قازاقستاندىق ستيپەندييا تۋرالى كەلٸسٸمگە ٶزگەرٸستەر ەنگٸزۋ تۋرالى حاتتاماعا قول قويدى.
2021-2022 وقۋ جىلىندا ەكٸنشٸ كۋرستىڭ 30 ماگيسترانتى جەنە قازاقستان مەن فرانتسيياداعى عىلىمي جەتەكشٸلەرمەن بٸرلەسٸپ ديسسەرتاتسييا دايىندايتىن 5 دوكتورانت «اباي-ۆەرن» ستيپەنديياسىنىڭ يەگەرٸ اتانا الادى.
«اباي-ۆەرن» ستيپەنديياسى ماگيسترانتتار مەن دوكتورانتتارعا فرانتسۋز جەنە اعىلشىن تٸلدەرٸندە فرانتسييا ۋنيۆەرسيتەتتەرٸندە وقۋ ٷشٸن بەرٸلەدٸ. ٷمٸتكەرلەردٸڭ فرانتسۋز جوعارى وقۋ ورنىنا نەمەسە عىلىمي-زەرتتەۋ ورتالىعىنا ماگيستراتۋرا مەن دوكتورانتۋرا باعدارلامالارى بويىنشا وقۋعا الدىن الا قابىلدانعانى تۋرالى راستاۋ حاتى بولۋى تيٸس», - دەپ اتاپ ٶتتٸ قر بعم حالىقارالىق ىنتىماقتاستىق دەپارتامەنتٸ ديرەكتورىنىڭ م.ا. ەلميرا اسان.
«اباي-ۆەرن» ستيپەنديياسىن جەڭٸپ العان ماگيسترانتتارعا ۇلتتىق بانك باعامى بويىنشا اي سايىن 800 ەۆرو, دوكتورانتتارعا 1200 ەۆرو مٶلشەرٸندە ستيپەندييا تٶلەنەدٸ.
سونداي-اق ستيپەندياتتار فرانتسيياداعى ۋنيۆەرسيتەت جاتاقحاناسىندا ورىن الۋعا ارتىقشىلىققا يە بولىپ, ۇزاقمەرزٸمدٸ ستۋدەنتتٸك ۆيزا جەنە فرانتسۋز ەلەۋمەتتٸك ساقتاندىرۋ جٷيەسٸنە تەگٸن تٸركەلە الادى.
«اباي-ۆەرن» اكادەمييالىق ۇتقىرلىق باعدارلاماسى بويىنشا قۇجات قابىلداۋ 4 شٸلدەگە دەيٸن جالعاسادى. كانديداتتاردى ٸرٸكتەۋدٸ فرانكو-قازاقستاندىق تەۋەلسٸز كوميسسييا جٷرگٸزەدٸ.
«اباي-ۆەرن» - قر بٸلٸم جەنە عىلىم مينيسترلٸگٸ مەن فرانتسييانىڭ ەۋروپا جەنە سىرتقى ٸستەر مينيسترلٸگٸنٸڭ بٸرلەسكەن ستيپەندييالىق باعدارلاماسى.
كەلٸسٸمگە قول قويىلعان كەزدەن باستاپ 158 قازاقستاندىق ماگيسترانت پەن دوكتورانت بەدەلدٸ «اباي-ۆەرن» حالىقارالىق ستيپەنديياسىنىڭ يەگەرٸ اتانعان.
