ابايدىڭ قارا سٶزدەرٸن اعىلشىن تٸلٸنە اۋدارعان شوتلاندييالىق اقىن ەرٸ جازۋشى دجون بەرنسايد ۇلى اقىننىڭ شىعارماسىن اۋدارىپ وتىرىپ, ۇلاعات العانىن ايتادى. «اباي دا مەن دە مەيٸرٸمگە تولى ويعا بەيٸمبٸز» دەيدٸ ول.
«ابايمەن بٸرگە بٸز ادامزاتتىڭ قاتەلٸگٸ ٷشٸن ناليمىز, قايعىرامىز. الايدا اقىرىندا ادامشىلىعىمىزعا جٷگٸنٸپ, مەيٸرٸم تولى ويعا بەيٸم ەكەنٸمٸزدٸ تٷسٸنەمٸز. ابايدىڭ ٶزٸ ول تۋرالى «وسى ويىما كەلگەن نەرسەلەردٸ قاعازعا جازا بەرەيٸن, اق قاعاز بەن قارا سييانى ەرمەك قىلايىن, كٸمدە-كٸم ٸشٸنەن كەرەكتٸ سٶز تاپسا, جازىپ السىن, يا وقىسىن» دەمەي مە?!» - دەيدٸ شوتلاندييالىق اقىن.
دجون بەرنسايد ابايدىڭ قارا سٶزدەرٸن اعىلشىن تٸلٸنە اۋدارىپ بولعاننان كەيٸن جۇمىس بارىسىندا تۋىنداعان ويلارىمەن بٶلٸستٸ.
«اقىنعا, ەسٸرەسە مەدەنيەت پەن تابيعاتقا جانى جاقىن ويشىلعا جاقىنداعان سايىن وعان ٶز ەلٸڭدەگٸ پاراللەلدٸ ٸزدەي باستايدى ەكەنسٸڭ. مۇندايدا بٸراق ٶتە اباي بولۋ كەرەك, الايدا مۇنداي تاكتيكا – بٸرەۋدٸڭ ىمى, فيلوسوفييالىق جەنە دٸني باعدارلار ٸزدەۋ جولىندا پايداسىن دا تيگٸزەدٸ, ال فورمالدى ەدٸستەردٸڭ ٶزٸندٸك پروبلەمالارى بار. وسىلايشا, ابايدى اۋدارعاندا قازاق حالقىنان تىس وقىرمانعا ۇعىنىقسىز كەيبٸر مەدەني قىرلارعا قاراماستان, وقىپ وتىرعاندا ويىڭىزعا ليريكالىق تۋىس جاننىڭ پايىمى انىق سٸڭەدٸ», - دەيدٸ اقىن.
د. بەرنسايد ابايدى اۋدارىپ وتىرىپ ويىنا ورالعان اقىنداردىڭ بٸرٸ – دجوناتان سۆيفت ەكەنٸن اتاپ ٶتتٸ. ول دا ساتيرالىق ٶتكٸر وي مەن ۇشقىر ەلەۋمەتتٸك باقىلاۋ پايىمىن دوستىق پەن ماحابباتتىڭ نەزٸك پوەزيياسىمەن ۇشتاستىرا بٸلگەن.
«الايدا, شوتلاندييالىق اقىن رەتٸندە مەن اباي شىعارمالارىن اۋدارۋ بارىسىندا كٶبٸنەسە روبەرت بەرنسكە جٷگٸندٸم. بٸز ابايدىڭ قارا سٶزدەرٸ مەن بەرنستٸڭ شىعارمالارىندا بٸردەي تٷيٸسۋ نٷكتەسٸ بارىن بايقايمىز. دەگەنمەن, بٸز ولاردىڭ پوەزيياسى مەن ەندەرٸنٸڭ مەتٸنٸن وقىعاندا بۇل كٶزقاراستاردىڭ, تٸپتٸ بٸر-بٸرٸنە قاتتى ۇقساس ەكەنٸن ودان سايىن اڭعارا تٷسەمٸز. بەرنس سەكٸلدٸ اباي دا رومانتيكالىق ماحابباتتىڭ ازابىن تارتتى, بەرنس سەكٸلدٸ اباي ەكٸجٷزدٸلٸكتٸ, ەلەۋمەتتٸك كەمشٸلٸكتٸ, ساياسي جەمقورلىقتى سەزٸندٸ, سىنادى, بەرنس سەكٸلدٸ اباي جەر-انانى سٷيدٸ», - دەيدٸ ول.
ابايعا ۇقساستىق جاعىنان ٷلگٸ رەتٸندە بەرنستٸڭ 1971 جىلى جازىلعان ەيگٸلٸ شىعارماسىنان ٷزٸندٸ كەلتٸرەدٸ. سول تۇستا ساتقىندىقتىڭ كەسەلٸنەن شوتلاندييا انگلييا بيلٸگٸنٸڭ قول استىندا قالعان ەدٸ.
ٶڭكەي ارام دارحان ەلدٸ جايلادى
قانشاما كٷش, قانشا قۋلىق بولسا دا
عاسىرلاردا كٶرمەپ ەدٸك بايلانىپ.
بٸراق قازٸر ساتقىن بولعان از عانا
قورقاۋلاردىڭ جٷزەگە استى ويلارى.
اعىلشىننىڭ قارۋىنان قورىقپاي
ەل ەدٸك قوي بەكەم بولعان بايلامى.
بٸراق سول بٸر باسقىنشىنىڭ التىنى
جۇرتىمىزدىڭ شىعاردى عوي ويرانىن –
ٶڭكەڭ ارام دارحان ەلدٸ جايلادى.
اۋدارماشى بەرنستىڭ وسىناۋ قاتال دا ٶتكٸر ويلارىن ابايدىڭ سىنىنا تەڭەيدٸ. حاكٸمنٸڭ قارا سٶزدەرٸنە ٷڭٸلەدٸ.
«الايدا قوس اقىننىڭ شىعارمالارىن وقىپ وتىرىپ, كەلەسٸ بەتٸن اۋدارساڭىز, ليريكالىق نەزٸكتٸكتٸ كەزدەستٸرەسٸز. جەر-اناعا بولسىن, دوسقا بولسىن ادال كٶڭٸلدٸ سەزٸنەسٸز. مۇندايدا قاراپايىمدىلىقتىڭ جاي عانا ٷلگٸسٸ اقىنعا عاسىرلار بويى ٶلمەس رۋح بەرەدٸ», - دەيدٸ د.بەرنسايد.
قازٸرگٸ زاماننىڭ پارالەلٸنە كەلەر بولساق, دجون بەرنسايد ابايدى بۇل رەتتە بوب ديلانمەن سالىستىرادى. بوب ديلان قوعامنىڭ كەمشٸلٸكتەرٸن اشىپ ايتۋ ٷشٸن بيبلييالىق كٸتاپتى نەگٸزگە الادى.
«اباي مەن ديلان شىنايى سەنەتٸن, مورالدى-رۋحاني قۇندىلىقتاردى بٸرٸنشٸ ورىنعا قوياتىن ادامنىڭ كٶزقاراسى تۇرعىسىنان سٶيلەيدٸ», - دەيدٸ شوتلاند اقىنى.
سٶز سوڭىندا دجون بەرنسايد ابايدىڭ ٶز تۇسىندا پەسسيميزمگە بەرٸلگەنٸن, مۇنى تٷسٸنەتٸنٸن, ونىڭ بەرٸ ەل ٷشٸن ۋايىم ەكەنٸن ايتادى.
«بٸراق, وسىناۋ وراسان زور ەرٸ الىپ ۋايىمنىڭ ارتىندا ٶز حالقىڭا دەگەن قامقورلىق, جاناشىرلىق جاتقانىن ۇمىتپاۋ كەرەك. ابايدىڭ شىعارماسىنان بٸز وسى جاناشىرلىقتى سەزٸنەمٸز», - دەيدٸ دجون بەرنسايد.
