فوتو: اباي وبلىسى ەكٸمدٸگٸ
اباي وبلىسىنىڭ ەكٸمٸ نۇرلان ۇرانحاەۆ ەلورداداعى ەسەپتٸك بريفينگتە جاقىن تۋىستارى مەن بالالارىنىڭ قانداي قىزمەتتە جۇمىس ٸستەپ جاتقانىن ايتىپ بەردٸ, - دەپ حابارلايدى Kazinform اگەنتتٸگٸ.
ورتالىق كوممۋنيكاتسييالار قىزمەتٸنٸڭ كۋلۋارىندا ٶڭٸر ەكٸمٸ قىزىنىڭ قىمبات برەند بۇيىمدارى تۋرالى ەلەۋمەتتٸك جەلٸدە تاراعان بەينەروليكتەرگە تٷسٸنٸك بەردٸ.
«مەنٸڭ قىزىم چارتەرلارمەن, بورتتارمەن ۇشپايدى. ونىڭ جٷرگٸزۋشٸ كۋەلٸگٸ دە جوق, كٶلٸك ايدامايدى. مەسكەۋ قالاسىندا تۇرادى, 4-كۋرستى اياقتاپ جاتىر. بٸر جىلدان كەيٸن وقۋىن بٸتٸرٸپ, سٸزدٸڭ ەرٸپتەسٸڭٸز بولىپ, وسىندا كەلەدٸ. سول كەزدە ٶزٸڭٸز كٶرٸپ, ٶز جاۋابىڭىزدى الاسىز. مەنٸڭ قىزىم تۋرالى ەلەۋمەتتٸك جەلٸدە بٸرنەشە قىزدىڭ فوتوسۋرەتٸ جارييالانعان, ونىڭ بٸرەۋٸ عانا مەنٸڭ قىزىمنىڭ فوتوسى, قالعان سۋرەتتەر كٸمدٸكٸ, ونى كٸم بٸلەدٸ? ەكٸنشٸدەن, جاڭالىق جاسايمىن دەپ بٸرەۋدٸڭ بالاسىن ورتاعا سالۋ دۇرىس ەمەس دەپ ويلايمىن. سٸزدەردٸڭ دە بالالارىڭىز بار شىعار, ەلٸ دە بولادى. سٸزدٸڭ بالاڭىز تۋرالى بٸرەۋ بٸردەڭە ايتسا نە ٸستەيسٸز? مەن جاۋاپ بەرۋگە دايىنمىن. مەنٸڭ بالالارىمنىڭ سٸز ايتقانداي برەندٸ جوق, قاراپايىم جۇمىس ٸستەپ جاتىر. ەشقانداي ارتىق نەرسە جاسامايدى, اراق ٸشپەيدٸ, تەمەكٸ تارتپايدى. ودان باسقا نە قوسايىن», - دەپ جاۋاپ بەردٸ نۇرلان ۇرانحاەۆ تٸلشٸ ساۋالىنا.
سونداي-اق, ٶڭٸر باسشىسى مەملەكەتتٸك قىزمەتشٸ رەتٸندە جىل سايىن دەكلاراتسييا تاپسىراتىنىن, سوندا بەرٸ انىق كٶرسەتٸلگەنٸن اتاپ ٶتتٸ.
«ەشقانداي تۋىسىم تەندەر نەمەسە كونكۋرستارعا قاتىسپايدى. قۇرىلىس, ماتەريال جەتكٸزۋ نەمەسە باسقا دا كوممەرتسييامەن ەشكٸم اينالىسپايدى. مەنٸڭ تۋعان اپايىم – ۋنيۆەرسيتەتتە جۇمىس ٸستەيدٸ, دوكتورلىق دەرەجەسٸ بار. ٸنٸم استاناداعى ەۋرازييا ۇلتتىق ۋنيۆەرسيتەتٸندە جۇمىس ٸستەيدٸ. ٷلكەن ۇلىم مەملەكەتتٸك قىزمەتتە, ال كٸشٸ ۇلىم – قاتارداعى ينجەنەر بولىپ ەڭبەك ەتەدٸ», - دەپ تٷسٸندٸردٸ نۇرلان ۇرانحاەۆ.
