فوتو: Akorda.kz
بٷگٸن تٶتەنشە جاعدايلار مينيسترٸ سىرىم شەرٸپحانوۆ جەدەل شتابتىڭ كەڭەسٸن ٶتكٸزدٸ. وندا ورمان ٶرتٸن سٶندٸرۋ بويىنشا نەگٸزگٸ مٸندەتتەر تۇجىرىمدالدى, سونداي-اق ٶڭٸردەگٸ ورمان ٶرتٸ جاعدايىن تۇراقتاندىرۋ ٷشٸن قوسىمشا شارالار ەزٸرلەندٸ, دەپ حابارلايدى "ۇلت اقپارات" ۆەدومستۆونىڭ باسپاسٶز قىزمەتٸنە سٸلتەمە جاساپ.
«ٶرتتٸ سٶندٸرۋ جەنە زالالدى ازايتۋ, ەڭ باستىسى – حالىقتى قورعاۋ بويىنشا بارلىق قاجەتتٸ شارالار قابىلداندى. وقيعا ورنىندا تەۋلٸك بويى كەزەكشٸ ماماندار, جەدەل شتاب جۇمىس ٸستەيدٸ», - دەپ اتاپ ٶتتٸ مينيستر.
ول سونداي-اق بارلىق قاجەتتٸ كٷش-قۇرالدار قويىلعان مٸندەتتەردٸ ودان ەرٸ ورىنداۋعا دايىن ەكەنٸن اتاپ ٶتتٸ.
"وتىرىستان كەيٸن مينيستر ورماندى دالا ايماعىنىڭ اۋماعىنا اەروۆيزۋالدى زەرتتەۋ جٷرگٸزدٸ. ۇشۋ قورىتىندىسى بويىنشا ٶرت وشاقتارىنا كٷش-قۇرالداردى قايتا توپتاستىرۋ جٷرگٸزٸلدٸ. سونداي-اق, ٶرت ۋچاسكەلەرٸندە سۋ تٶگەتٸن قۇرىلعىلارى بار تٸكۇشاقتاردى اۋىستىرۋ تۋرالى شەشٸم قابىلداندى" - دەلٸنگەن حابارلامادا.
ورمان ٶرتٸن سٶندٸرۋگە اباي, جەتٸسۋ, شىعىس قازاقستان, قاراعاندى, الماتى وبلىستارىنىڭ, سونداي-اق استانا جەنە الماتى قالالارىنىڭ تجد كٷشتەرٸ مەن قۇرالدارى جەنە تجم بٶلٸمدەرٸنٸڭ ەسكەري قىزمەتشٸلەرٸ قاتىسىپ جاتىر.
سونداي-اق تجم, ورمان شارۋاشىلىعى كوميتەتٸ, جەرگٸلٸكتٸ اتقارۋشى ورگاندار جەنە قورعانىس مينيسترلٸگٸنەن 1500-گە جۋىق ادام جەنە 300-دەن استام تەحنيكا جۇمىلدىرىلعان. ٶرت باستالعالى بەرٸ 14 تٸكۇشاقتىڭ كٶمەگٸمەن جالپى كٶلەمٸ 3039 توننادان اساتىن 1017 سۋ اعىزۋ جٷزەگە اسىرىلعان.
ٶرتتٸ سٶندٸرۋ كٷردەلٸ رەلەفتٸ جەرلەر مەن 17 م/س قاتتى ەكپٸندٸ جەلدٸڭ سالدارىنان قيىنعا سوعىپ وتىر. سىرىم شەرٸپحانوۆ جاعدايدى ەسكەرٸپ, جەدەل شتابقا تيٸستٸ تاپسىرمالار بەردٸ.
«ٶرتتٸ توقتاتۋ جەنە وقشاۋلاۋ اسا كٷردەلٸ جەنە كٶپ ەڭبەكتٸ قاجەت ەتەدٸ. جەر بەدەرٸنٸڭ جاعدايلارى مەن وتپەن كٷرەستەگٸ كەدەرگٸلەر ەسكەرٸلۋٸ كەرەك», - دەپ اتاپ ٶتتٸ ول.
قازٸر اباي وبلىسىندا ٶرتتٸ سٶندٸرۋ ٷش باعىتتا جالعاسىپ جاتىر (وڭتٷستٸك, باتىس جەنە شىعىس جيەكتەر). شىعىس باعىتتا اۋىر تەحنيكامەن مينەرالدانعان جولاقتار جاساۋ جۇمىستارى جٷرگٸزٸلۋدە.
سىرىم شەرٸپحانوۆ ورمان ٶرتٸن سٶندٸرۋگە قاتىسقانداردىڭ بارلىعىنا العىسىن بٸلدٸرٸپ, قالىپتاسقان جاعدايلارعا قاراماستان, بٸرلەسكەن كٷش-جٸگەر تابيعي اپاتتى تەز ارادا جويۋعا ەكەلەتٸنٸنە سەندٸردٸ.
