فوتو: قر تجم
اباي وبلىسىنداعى ورمان ٶرتٸن سٶندٸرۋگە 10 تٸكۇشاق جۇمىلدىرىلدى, دەپ حابارلايدى "ۇلت اقپارات" قر تٶتەنشە جاعدايلار مينيسترلٸگٸنٸڭ باسپاسٶز قىزمەتٸنە سٸلتەمە جاساپ.
ۆەدومستۆو مەلٸمەتٸنشە, ورمان ٶرتٸن سٶندٸرۋگە تٶتەنشە جاعدايلار مينيسترلٸگٸنەن - 5, قورعانىس مينيسترلٸگٸنەن - 3, ەكولوگييا جەنە تابيعي رەسۋرستار مينيسترلٸگٸنەن - 2, ياعني بارلىعى 10 تٸكۇشاق جۇمىلدىرىلعان. ونىڭ ٸشٸندە 2 تٸكۇشاق اۋماقتى اەروۆيزۋالدى ۇشۋدى جٷرگٸزەدٸ. بٷگٸنگٸ تاڭدا 52 رەت 130 توننا سۋ اعىزىلعان. سونداي-اق, بارلىعى 298 رەت 745 توننا سۋ سەبٸلگەن.
"ٶرتتٸ سٶندٸرۋگە جەكە قۇرامنىڭ 800-دەن استام ادامى, 200-دەن استام تەحنيكا, 1 قتج ٶرت سٶندٸرۋ پويىزى جۇمىلدىرىلدى.
قازٸر اۆياتسييالىق جەنە اۆتوموبيل تەحنيكاسىن پايدالانا وتىرىپ, ٷش ۋچاسكەدە سٶندٸرۋ جٷرگٸزٸلٸپ جاتىر. سونداي-اق 68303 تجم ەسكەري بٶلٸمٸنٸڭ جەنە قورعانىس مينيسترلٸگٸنٸڭ ەسكەري قىزمەتشٸلەرٸ جەكەلەگەن وشاقتاردى 126 ادام مٶلشەرٸندەگٸ ريۋكزاكتارمەن جەنە مٷمكٸندٸك قۇرالدارىمەن سٶندٸرۋدە" - دەلٸنگەن حابارلامادا.
ۆەدومستۆو باسپاسٶز قىزمەتٸنٸڭ حابارلاۋىنشا, قازٸر ەلدٸ مەكەندەرگە قاۋٸپ تٶنٸپ تۇرعان جوق. جالپى جانۋ اۋماعى شامامەن 3500 گا. قۇرايدى. سەكۋندىنا 6-10 مەتر ەكپٸندٸ جەلدٸڭ بولۋى سالدارىنان, ٶرتتٸ سٶندٸرۋ جۇمىستارى قيىنداۋدا. سونداي-اق تىعىز ٶسەتٸن داقىلدار مەن تۇزدى جەرلەردٸڭ بولۋى دا ٶرتتٸڭ ٶرشۋٸنە ەسەر ەتٸپ وتىر.
"اۋدان ەكٸمٸ ە. سەليحانوۆتىڭ شەشٸمٸمەن اباي وبلىسىنىڭ بورودۋليحا اۋدانىندا جەرگٸلٸكتٸ اۋقىمداعى تابيعي سيپاتتاعى تٶتەنشە جاعداي جارييالاندى.
ٶرتتٸ سٶندٸرۋ جەرگٸلٸكتٸ اتقارۋشى ورگاندارمەن تىعىز قارىم-قاتىناستا جٷزەگە اسىرىلادى. سونداي-اق, اباي وبلىسىنىڭ "Birgemiz" ۆولونتەرلەر فرونت-وفيسٸمەن ٶرت سٶندٸرۋ ورىندارىندا ۆولونتەرلەر, ولاردىڭ ۇيىمدارىنىڭ جۇمىسى ۇيىمداستىرىلىپ, ٷيلەستٸرٸلۋدە.
تجم مەن اباي وبلىسى تجد جەدەل شتابتارىنىڭ جۇمىسى جالعاسىپ جاتىر. ولاردىڭ مٸندەتتەرٸ تج ايماعىنداعى جاعداي تۋرالى دەرەكتەردٸ جيناۋ, ٶڭدەۋ جەنە تالداۋ, قاجەتتٸ اقپاراتتى بەرۋ; تج كٷردەلەنۋٸن جەنە ولاردىڭ سالدارىن بولجاۋ; تج جويۋ مەسەلەلەرٸن جەدەل شەشۋ بويىنشا ۇسىنىستار دايىنداۋ بولىپ تابىلادى. سونداي-اق ٶرت ورنىندا كوماندالىق-شتابتىق ماشينانىڭ جۇمىسى جٷرگٸزٸلۋدە" - دەلٸنگەن حابارلامادا.
ايتا كەتەيٸك, «قازگيدرومەت» دەرەكتەرٸ بويىنشا 24-26 مامىردا اباي وبلىسىنىڭ بورودۋليحا اۋدانىندا سەكۋندىنا 15-20 مەترگە دەيٸن ەكپٸنٸ بار سولتٷستٸك-شىعىس جەل كٷتٸلەدٸ.
