فوتو:gov.kz
جارما اۋدانىندا ٶرتتەن زارداپ شەككەن تجم قىزمەتكەرلەرٸنٸڭ جاعدايى ايتىلدى, - دەپ حابارلايدى Tengrinews.kz اگەنتتٸگٸ اباي وبلىسىنىڭ تٶتەنشە جاعدايلار دەپارتامەنتٸ مەلەمەتٸنە سٸلتەمە جاساپ.
"پپ-22 بٶلٸمشەسٸنٸڭ كومانديرٸ امانگەلدٸ تۇرلىبەكوۆ رەسپۋبليكالىق مەديتسينالىق اۆياتسييامەن سەمەي قالالىق جەدەل جەردەم اۋرۋحاناسىنا جەتكٸزٸلدٸ. ول جانساقتاۋ بٶلٸمٸندە جاتىر. دەرٸگەرلەر ونىڭ جاعدايىن اۋىر دەپ باعالاپ وتىر. جارما اۋدانى, ەۋەزوۆ اۋىلىنىڭ پپ-22 ٶرتسٶندٸرۋشٸ-قۇتقارۋشىسى, ازاماتتىق قورعاۋدىڭ جەكە قىزمەتكەرٸ سەلٸمجان نۇرلاننىڭ قولىن تەرمييالىق كٷيٸك شالعان. قازٸر ول شار قالاسىنداعى اۋرۋحانادا دەرٸگەرلەردٸڭ باقىلاۋىندا", - دەدٸ وبلىستىق تٶتەنشە جاعدايلار دەپارتامەنتٸنٸڭ باسشىسى اباي ماناربەك شاپاعاتوۆ.
اباي وبلىسى تٶتەنشە جاعدايلار دەپارتامەنتٸ مەلٸمەتٸنشە, كەيٸنگٸ اپتادا ٷرجار, اباي, جارما, اقسۋات جەنە بەسقاراعاي ٶڭٸرلەرٸندە دالا ٶرتٸ بولعان. ونى جويۋعا 608 ادام, 94 تەحنيكا جۇمىلدىرىلدى.
بيىل 6-9 قىركٷيەك ارالىعىندا اباي اۋدانىندا بارلىعى 7 مىڭ گەكتار اۋماقتا توعىز تابيعي ٶرت تٸركەلگەن. ونىڭ ٸشٸندە ورماندى ايماق – 4,6 گەكتار بەسقاراعاي اۋدانىندا. سونداي-اق, جالپى اۋماعى 1000 گەكتارعا جۋىق جەردە 27 ٶرت وشاعى تٸركەلگەن.
ٷرجار ٶڭٸرٸندەگٸ تابيعي ٶرت اۋدانى 5960 گەكتار بولدى. ٶرت 9 قىركٷيەكتە تٷستەن كەيٸن سٶندٸرٸلدٸ.
اباي اۋدانىندا ٸرٸ دالا ٶرتٸ سٶندٸرٸلدٸ. ٶرتسٶندٸرۋشٸ ايدوس توعىزباەۆ قىزمەتتٸك مٸندەتٸن اتقارۋ كەزٸندە قازا تاپتى. ٶرت سٶندٸرۋ بەكەتٸنٸڭ بٶلٸمشە كومانديرٸ امانگەلدٸ تۇرلىبەكوۆ, ٶرتسٶندٸرۋشٸ-قۇتقارۋشى سەلٸمجان نۇرلان تٷرلٸ دەرەجەدەگٸ كٷيٸك الىپ, جارما اۋدانى, شار قالاسىنىڭ اۋرۋحاناسىنا جاتقىزىلدى.
