Foto:gov.kz
Jarma aýdanynda órtten zardap shekken TJM qyzmetkerleriniń jaǵdaiy aityldy, - dep habarlaidy Tengrinews.kz agenttigi Abai oblysynyń Tótenshe jaǵdailar departamenti málemetine silteme jasap.
"PP-22 bólimshesiniń komandiri Amangeldi Turlybekov respýblikalyq meditsinalyq aviatsiiamen Semei qalalyq jedel járdem aýrýhanasyna jetkizildi. Ol jansaqtaý bóliminde jatyr. Dárigerler onyń jaǵdaiyn aýyr dep baǵalap otyr. Jarma aýdany, Áýezov aýylynyń PP-22 órtsóndirýshi-qutqarýshysy, azamattyq qorǵaýdyń jeke qyzmetkeri Sálimjan Nurlannyń qolyn termiialyq kúiik shalǵan. Qazir ol Shar qalasyndaǵy aýrýhanada dárigerlerdiń baqylaýynda", - dedi oblystyq Tótenshe jaǵdailar departamentiniń basshysy Abai Manarbek Shapaǵatov.
Abai oblysy Tótenshe jaǵdailar departamenti málimetinshe, keiingi aptada Úrjar, Abai, Jarma, Aqsýat jáne Besqaraǵai óńirlerinde dala órti bolǵan. Ony joiýǵa 608 adam, 94 tehnika jumyldyryldy.
Biyl 6-9 qyrkúiek aralyǵynda Abai aýdanynda barlyǵy 7 myń gektar aýmaqta toǵyz tabiǵi órt tirkelgen. Onyń ishinde ormandy aimaq – 4,6 gektar Besqaraǵai aýdanynda. Sondai-aq, jalpy aýmaǵy 1000 gektarǵa jýyq jerde 27 órt oshaǵy tirkelgen.
Úrjar óńirindegi tabiǵi órt aýdany 5960 gektar boldy. Órt 9 qyrkúiekte tústen keiin sóndirildi.
Abai aýdanynda iri dala órti sóndirildi. Órtsóndirýshi Aidos Toǵyzbaev qyzmettik mindetin atqarý kezinde qaza tapty. Órt sóndirý beketiniń bólimshe komandiri Amangeldi Turlybekov, órtsóndirýshi-qutqarýshy Sálimjan Nurlan túrli dárejedegi kúiik alyp, Jarma aýdany, Shar qalasynyń aýrýhanasyna jatqyzyldy.
