«Nur Otan» پارتيياسى مەن «Jas Otan» جاستار قاناتى ۇلى ابايدىڭ 175 جىلدىق مەرەيتويى اياسىندا ەلٸمٸزدٸڭ بارلىق ٶڭٸرٸندە 350-دەن استام ٸس-شارا ٶتكٸزدٸ. بۇل تۋرالى سەمەي قالاسىنا كەلگەن «Nur Otan» پارتيياسى تٶراعاسىنىڭ بٸرٸنشٸ ورىنباسارى باۋىرجان بايبەك ايتتى, دەپ حابارلايدى "ۇلت اقپارات".
«بارشاڭىزعا مەلٸم, بيىل دانا ابايدىڭ تۋعانىنا 175 جىل تولىپ وتىر. ۇلى ويشىلدىڭ مەرەيتويىن لايىقتى اتاپ ٶتۋ ماقساتىندا ەل پرەزيدەنتٸ قاسىم-جومارت توقاەۆ ارنايى جارلىق شىعارىپ, ونى قوعامدىق سانانى جاڭعىرتاتىن ەلدٸك ٸس-شارا رەتٸندە ٶتكٸزۋدٸ, الاش قايراتكەرلەرٸ تۋ تٸككەن سەمەي قالاسىن تاريحي ورتالىق رەتٸندە بەلگٸلەۋدٸ تاپسىردى.
قاشاندا ەلدٸگٸن باياندى, مەملەكەتتٸلٸگٸن مەڭگٸلٸك ەتۋدٸ كٶزدەيتٸن ۇلتتار تاريحىنا بويلاپ, تۇعىرلى تۇلعالارىنىڭ اسىل ويلارىن ەل دامۋىنىڭ ٶزەگٸنە اينالدىرادى. ەلباسى نۇرسۇلتان نازارباەۆتىڭ قولعا العان ٸستەرٸنٸڭ تٷپكٸ تٷيٸنٸ دە, «رۋحاني جاڭعىرۋ» باعدارلاماسى مەن «ۇلى دالانىڭ جەتٸ قىرى» ماقالاسى دا وسىناۋ ۇلى مۇراتتاردى كٶزدەيدٸ.
ەلەمدٸ شارپىعان ٸندەتكە قاراماستان, اقىن مەرەيتويىن اتاپ ٶتۋگە بايلانىستى ەلٸمٸزدە بٸرشاما اۋقىمدى جۇمىستار اتقارىلدى.
مەملەكەت باسشىسىنىڭ تاپسىرمالارى اياسىندا حاكٸم ابايدىڭ تۋعان جەرٸندە اتقارىلىپ جاتقان جۇمىستاردى قاداعالاۋ ماقساتىمەن بٷگٸن سەمەي قالاسىنا ارنايى كەلدٸم.
شىعىس قازاقستان وبلىسىنىڭ ەكٸمٸ دانيال احمەتوۆپەن بٸرگە شاھارداعى قايتا جٶندەۋدەن ٶتكٸزٸلگەن اباي الاڭىندا, اباي اتىنداعى تەاتردا بولىپ, ارى قاراي جيدەبايعا اتتاندىم. ۇلى ويشىلدىڭ رۋحىنا تاعزىم ەتٸپ, اقىن ۇرپاقتارىمەن, ەل اعالارىمەن كەزدەستٸم. ەل جايى, رۋحانييات مەسەلەسٸ ەڭگٸمە ارقاۋىنا اينالىپ, بەلگٸلٸ قالامگەر تٶلەگەن جانعاليەۆ اقساقال ەلباسى, نۇرسۇلتان نازارباەۆتىڭ دا ەل پرەزيدەنتٸ رەتٸندەگٸ العاشقى قادامىن اباي ەلٸنەن باستاعانىن, وسى جولدى بٷگٸندە مەملەكەت باسشىسى قاسىم-جومارت توقاەۆ تا جالعاستىرعانىن ەسٸنە الدى.
جالپى, ابايدىڭ 175 جىلدىعىن اتاپ ٶتۋ اياسىندا ٷلكەندٸ-كٸشٸلٸ 500-گە جۋىق ٸس-شارا جوسپارلانعان. تەك اباي اۋدانىنىڭ ٶزٸندە عانا مەرەيتويدى ۇيىمداستىرۋ اياسىندا ٸرگەلٸ جوبالار ٸسكە اسىرىلعان. ابايدىڭ تۋعان جەرٸ – سىرت قاسقابۇلاقتا مەموريالدىق كەشەن بوي كٶتەرگەن. ابايدىڭ ەكەسٸ جەرلەنگەن اقشوقى مەكەنٸ اباتتاندىرىلىپ, قۇنانباي ٶسكەنبايۇلى مۇراجايى سالىندى. جيدەبايداعى «اباي - شەكەرٸم» كەشەنٸنە, ابايدىڭ مۋزەي-ٷيٸنە زاماناۋي تالاپتارعا ساي جٶندەۋ جۇمىستارى جٷرگٸزٸلگەن.
ەلٸمٸزدٸڭ ٶزگە ايماقتارى دا اباي مەرەيتويىنا ٶز ٷلەستەرٸن قوسۋدا. ٶز كەزەگٸندە «Nur Otan» پارتيياسى مەن «Jas Otan» جاستار قاناتى دا وسى مەرەيتوي اياسىندا ەلٸمٸزدٸڭ بارلىق ٶڭٸرٸندە 350-دەن استام ٸس-شارا ٶتكٸزدٸ.
ۇلى ابايدى ۇلىقتاۋ, مۇراسىن ناسيحاتتاۋ ٸسٸ ارى قاراي جالعاسا بەرەدٸ.
