اقىن, ابايتانۋشى اباي قالشابەك قر پرەزيدەنتٸ قاسىم-جومارت توقاەۆتىڭ «اباي - رۋحاني رەفورماتور» اتتى ماقالاسىنا قاتىستى پٸكٸر بٸلدٸردٸ, دەپ حابارلايدى قازاقپارات.
«ابايدىڭ تۋعان كٷنٸن «اباي كٷنٸ» دەپ اتاۋ ٶتە ماڭىزدى دەپ ەسەپتەيمٸن. ابايدىڭ شىعارماشىلىعىنا قازاق حالقىنىڭ, قازاقستاندىقتاردىڭ نازارىن اۋدارۋعا سەپتٸگٸن تيگٸزەتٸن شارا دەپ ويلايمىن. جالپى, عالىمدار تۇلعاتانۋ ٷش كەزەڭنەن تۇراتىنىن ايتادى. بٸرٸنشٸ كەزەڭ - ميفتٸك كەزەڭ, ياعني تۇلعا تۋرالى اڭىزدار تاراپ, جاقسى-جامان ەڭگٸمەلەر شىعا باستايدى. ەكٸنشٸ كەزەڭ - كٶركەمدٸك كەزەڭ. بۇل كەزەڭدە تۇلعا تۋرالى كٶركەم شىعارمالار جازىلا باستايدى. مىسالى, «اباي جولى» - تۇلعاتانۋدىڭ كٶركەمدٸك كەزەڭٸنٸڭ جارقىن ٷلگٸسٸ. ٷشٸنشٸ كەزەڭ - عىلىمي كەزەڭ. «جالپى قازاق تاريحىندا تۇلعاتانۋدىڭ ٷش كەزەڭٸنەن تولىق ٶتكەن بٸر عانا ادام بار, ول - اباي. بۇل - مەكەمتاس مىرزاحمەتۇلىنىڭ پٸكٸرٸ», - دەيدٸ اباي قالشابەك.
ونىڭ ايتۋىنشا, ابايدىڭ ٷش كەزەڭٸن جٷيەلەپ بەرگەن ادام - مۇحتار ەۋەزوۆ, بٸراق جالپى حالىقتىڭ اباي تۋرالى تانىمى ميفتٸك كەزەڭنٸڭ ار جاق-بەر جاعىندا جٷر.
«كەيبٸر ادام اباي تۋرالى كٶركەم شىعارمالاردى وقىعان بولۋى مٷمكٸن, ال عىلىمي نەگٸزدە تانىپ بٸلدٸ دەپ ايتا المايمىز. حالىق وعان ەلٸ جەتكەن جوق. دەل قازٸر بٸز ابايدى عىلىمي, تەورييالىق تۇرعىدا تانۋ كەزەڭٸنٸڭ الدىندا تۇرمىز», - دەيدٸ ابايتانۋشى.
ول 10 تامىز - اباي كٷنٸ دەپ بەلگٸلەنۋٸ قانشالىقتى ماڭىزدى ەكەنٸن ايتتى.
«جاس ۇرپاق كٸمدٸ ٷلگٸ تۇتۋ كەرەك دەگەن مەسەلەدە قاتتى شاتاسادى. مىسالى, كەنەنباي قوجابەكوۆ دەگەن قازاقتىڭ عاجاپ اكتەرٸ بار. ول «قىز جٸبەك» فيلمٸندە جٸبەكتٸڭ ەكەسٸنٸڭ رٶلٸن سومداعان. ونى تانيتىن جاستار قاتارى ساۋساقپەن سانارلىق قانا. جاستار ونى تانىماسا دا, گولليۆۋد جۇلدىزى توم حەنكستٸ بٸردەن تانۋى مٷمكٸن. ٶز تۇلعالارىمىزدى تانۋعا كەلگەندە دەڭگەيٸمٸز ٶتە تٶمەن. سوندىقتان 10 تامىز - اباي كٷنٸ رەتٸندە بەلگٸلەنۋٸ ٶتە دۇرىس شەشٸم. بۇل «قازاقتىڭ تۇلعاسى كٸم?» دەگەن سۇراقتىڭ جاۋابىن تابۋعا قاتتى ٷلەس قوساتىن شارا. ابايدىڭ شىن مەنٸندە ماڭىزدى ەكەنٸن ەسكە سالۋ - تەۋەلسٸزدٸك كەزەڭٸندەگٸ ەكٸنشٸ, ٷشٸنشٸ بۋىن ٷشٸن ٶتە ماڭىزدى بولادى», - دەيدٸ ول.
