لوندوندا اباي ەندەرٸنٸڭ تۇڭعىش جيناعىنىڭ ونلاين-تۇساۋكەسەرٸ ٶتتٸ. كٸتاپتى ۇلى قازاق اقىنى جەنە فيلوسوفىنىڭ 175 جىلدىعىنا وراي ۇلتتىق اۋدارما بيۋروسىنىڭ قولداۋىمەن قازاقستاننىڭ ۇلىبريتانيياداعى ەلشٸلٸگٸ باسىپ شىعارعان. جوبا اۆتورلارى ەدەبي شىعارماشىلىقپەن قاتار, باي مۋزىكالىق مۇرا قالدىرعان ابايدى بٷكٸل ەلەمگە جاڭا قىرىنان تانىتۋ يدەياسىن ۇستانعان.
«ابايدىڭ پوەزيياسى, فيلوسوفييالىق جەنە مەدەني ەڭبەكتەرٸ حالىقارالىق دەڭگەيدە تانىمال. بٸراق ونىڭ مۋزىكالىق مۇراسى تۋرالى بٸرٸ بٸلسە, بٸرٸ بٸلە بەرمەيدٸ. سوندىقتان وسىنداي كٸتاپ شىعارۋعا بەكٸندٸك. ٸشٸندە ابايدىڭ ەڭ تانىمال ەندەرٸ جيناقتالعان. باسىلىمنىڭ باستى ەرەكشەلٸگٸ ونىڭ QR-كودتارى بار. سولار ارقىلى بٸزدٸڭ شەتەلدٸك دوستارىمىز ۆەب-سايتتارعا سٸلتەمەلەر تاۋىپ, قازاق مۋزىكانتتارىنىڭ ورىنداۋىنداعى اباي ەندەرٸن تىڭداي الاتىن بولادى», - دەدٸ كٸتاپتىڭ تۇساۋكەسەرٸندە قازاقستاننىڭ ۇلىبريتانيياداعى ەلشٸسٸ ەرلان ىدىرىسوۆ.
سالتاناتتى شاراعا وراي اباي ەندەرٸنەن قۇرالعان ونلاين-كونتسەرت ٶتتٸ. باستاپقىدا ۇيىمداستىرۋشىلار ٸس-شارانى كونتسەرتتٸك زالدا ٶتكٸزۋدٸ جوسپارلاعان بولاتىن. وسىلايشا بريتانييالىق كٶرەرمەنگە قازاق مۋزىكاسىنىڭ سۇلۋلىعىن تانىتۋدى ماقسات ەتكەن. بٸراق پاندەمييا اياققا تۇساۋ بولدى.
جاڭا بريتانييالىق پوپ-سەنساتسييا, ەنشٸ ەرٸ اۆتور سمايلي (Smilee) «كٶزٸمنٸڭ قاراسى» ەنٸن اعىلشىن تٸلٸندە ورىنداپ, تىڭدارماندى تاڭ-تاماشا ەتتٸ. نيۋكاسل قالاسىنان كەلگەن جاس ەنشٸ, اقىن جەنە كومپوزيتور اننابەل پاتتينسون بولسا, «جەلسٸز تٷندە جارىق اي» ەنٸن شەكسپير تٸلٸندە ناقىشىنا كەلتٸرٸپ شىرقادى. قازاقستاندىق ٶنەر قايراتكەرلەرٸ جەنە جاس ورىنداۋشىلار ايمان مۇساقوجاەۆا, ەرلان رىسقالي, ەرجان ماكسيم جەنە باسقالارى سيمفونييالىق وركەستردٸڭ, دومبىرانىڭ جەنە فورتەپييانونىڭ سٷيەمەلدەۋٸمەن جٷرەك تەربەر ابايدىڭ ەندەرٸنەن شاشۋ شاشتى.
شىعارمالاردى اعىلشىن تٸلٸندە جان بٸتٸرۋگە ەيگٸلٸ شوتلاند اقىنى, پروفەسسور دجون بەرنسايد اتسالىستى. ول ەدەبي اۋدارمالارى ارقىلى تٷپنۇسقاعا بارىنشا جاقىن بولۋعا تىرىستى. قازاقستاندىق تاراپ بەرنسايدتى سٶزبە-سٶز تەرجٸمامەن قامتاماسىز ەتٸپ وتىردى. «ٶتە قيىن بولدى. بٸراق تالاپ ٷدەسٸنەن شىعۋعا تىرىستىق. ٶيتكەنٸ بۇل جوباعا ٶز باسىم قاتتى قىزىقتىم. اباي ٶلەڭدەرٸنٸڭ ريتميكاسىن جوعالتپاي, دەلمە-دەل اۋدارۋ باستى تالاپ بولدى. سونىمەن قاتار ۇيقاس جاعىن دا ۇمىتپاۋ كەرەك بولدى. مۇنداي ٶلەڭدەر اۋدارىلعاندا, ەدەتتە, بۇل ستراتەگييا قولدانىلمايدى», دەدٸ دجون بەرنسايد.
جيناقتىڭ ٸشٸندە 3 كٷي جەنە 23 ەن بار. سونىمەن قاتار اباي ەندەرٸنٸڭ مەتٸندەرٸ مەن پارتيتۋرالارى قوسا تٸركەلگەن. العاشقى تيراجى - 1500 دانا, بٸراق ونى ينتەرنەتتەن دە تابۋعا بولادى. كٸتاپ مۋزىكالىق بٸلٸم بەرۋ ورىندارى مەن قازاقستاننىڭ ۇلىبريتانيياداعى دوستارى اراسىندا تاراتىلماق.
