«اباي», «ەل-فارابي» سەريالدارى تەۋەلسٸزدٸك كٷنٸندە ۇلتتىق ارنا ەفيرٸنە شىعادى. بۇل تۋرالى «Astana Media Week 2020» بارىسىندا «QAZAQSTAN» رترك» اق باسقارما تٶرايىمى لەززات تانىسباي ايتتى, دەپ حابارلايدى "ۇلت اقپارات".
«پاندەمييا وتاندىق تەلەسەريالدار ٶندٸرٸسٸنە كەدەرگٸ بولعانىمەن, ٶندٸرٸس تولىقتاي توقتاپ قالعان جوق. بيىل بٸز 13 سەريال تٷسٸرٸپ جاتىرمىز. ۇلى ابايدىڭ 175 جىلدىعىنا ارنالعان «اباي» سەريالىنىڭ, ەل-فارابيدٸڭ مەرەيتويىنا ارنالعان «ەل-فارابي» سەريالدارىنىڭ تٷسٸرٸلٸم جۇمىستارى سەل كەشەۋٸلدەدٸ. دەسە دە اياقتاپ ٷلگەردٸك. وسى تۇستا حابارلاپ ٶتكٸم كەلەدٸ, ەكٸ تاريحي تۋىندى دا ەفيرگە جەلتوقساندا, تەۋەلسٸزدٸك مەرەكەسٸندە شىعادى», - دەدٸ لەززات تانىسباي.
مۇنان بٶلەك ول وسى ماۋسىمدا رومان جەلٸسٸ بويىنشا تٷسٸرٸلگەن «ماحاببات, قىزىق مول جىلدار», تەۋەلسٸزدٸككە ارنالعان 100 بٶلٸمدٸ «زامانداستار» تەلەحيكاياسى ەفيرگە شىعاتىنىن ايتتى.
«ماحاببات, قىزىق مول جىلدار» تەلەحيكاياسىنىڭ كاستينگٸ تولىقتاي ونلاين فورماتتا ٶتتٸ. ٷمٸتكەرلەردەن 7300-دەن استام فوتو, بەينەٶتٸنٸش كەلٸپ تٷستٸ. مۇنداي اۋقىمداعى ونلاين كاستينگ بٸز ٷشٸن تىڭ تەجٸريبە بولدى. بۇل تەجٸريبەنٸ بٸز ودان ارى دا جالعاستىرامىز», - دەدٸ «QAZAQSTAN» رترك» اق باسقارما تٶرايىمى.
