ەلوردادا ابايدىڭ 175 جىلدىق مەرەيتويىنا ارنالعان «ادامزاتتىڭ الىبى – حاكٸم اباي» اتتى رەسپۋبليكالىق اقىندار ايتىسى ٶتتٸ, دەپ حابارلايدى "ۇلت اقپارات" «Nur Otan» پارتيياسىنىڭ باسپاسٶز قىزمەتٸنە سٸلتەمە جاساپ.
ەلباسى ن.ە.نازارباەۆتىڭ «رۋحاني جاڭعىرۋ» باعدارلاماسى اياسىندا «Nur Otan» پارتيياسىنىڭ قولداۋىمەن جەنە قر مەدەنيەت جەنە سپورت مينيسترلٸگٸنٸڭ ۇيىمداستىرۋىمەن ٶتكەن جىر الامانى بيىل ٶتەتٸن ايتىستاردىڭ بەتاشارى بولدى.
ايتىستى بەلگٸلٸ اقىن, ايتىس جاناشىرى جٷرسٸن ەرمان جٷرگٸزدٸ. ول ٶز سٶزٸندە بٷگٸندە ۇلتتىق قۇندىلىقتارىمىزدى دەرٸپتەپ, ۇلى تۇلعالارىمىزدى ۇلىقتاپ, تاريحي ٶتكەنٸمٸزدٸ ايشىقتاپ وتىرۋىمىز – ەل تەۋەلسٸزدٸگٸنٸڭ ارقاسى, اعا بۋىننىڭ قاجىرلى ەڭبەگٸنٸڭ جەمٸسٸ ەكەنٸن ەرەكشە اتاپ ٶتتٸ.
«پرەزيدەنتٸمٸز بيىلعى جىلدى اباي جىلى دەپ جارييالادى. جاقىندا عانا ابايعا ارنالعان ٸس-شارالاردىڭ باستاۋىن ٶزٸ كەلٸپ اشىپ بەردٸ. «اباي جەنە XXI عاسىرداعى قازاقستان» اتتى ماقالاسىن بەرٸڭٸز وقىعان شىعارسىزدار. بيىلعى كٶپتەگەن شارالار ابايعا ارنالادى. اباي - بٸزدٸڭ قاعبامىز, قازاق رۋحانيياتىنىڭ تەمٸرقازىعى. بەرٸمٸز بويىمىزدى دا, ويىمىزدى دا ابايعا قاراپ تٷزەۋٸمٸز كەرەك», - دەدٸ جٷرسٸن ەرمان.
الامان ايتىسقا بارلىعى 16 اقىن قاتىستى. سايدىڭ تاسىنداي ٸرٸكتەلگەن ايتۋلى اقىندار سٶز سايىسىنا اباي مۇراسىن ارقاۋ ەتٸپ, ۇلى ويشىل ۇسىنعان اسىل ويلاردى, ٶشپەس قۇندىلىقتاردى كەڭٸنەن تولعادى. ۇلى اباي ٶسيەتٸندەگٸ ٶسكەلەڭ ۇرپاقتىڭ بويىنا جاسامپازدىق رۋحىن سٸڭٸرۋ, ويشىل سىناعان جاعىمسىز قىلىقتاردان ارىلۋ, كەمەڭگەر سٸلتەگەن ادامشىلىق جولىن ۇستانۋ – ايتىستىڭ نەگٸزگٸ تاقىرىبىنا اينالدى.
بۇل ايتىستىڭ بۇرىنعى ايتىستاردان باستى ەرەكشەلٸگٸ سٶز سايىسىنا تٷسەتٸن اقىنداردىڭ ساحنادا جەرەبە تارتۋ ارقىلى تۇتقيىلدان جۇپتالۋى بولدى.
الامان ايتىستىڭ باس جٷلدەسٸ بەلگٸلٸ اقىن, «التىن دومبىرانىڭ» ەكٸ دٷركٸن جەڭٸمپازى مۇحتار نييازوۆقا بۇيىردى. ال بٸرٸنشٸ ورىندى سىر ەلٸنٸڭ اقىنى مەيٸربەك سۇلتانحان يەلەنسە, ەكٸنشٸ ورىندى ەركەبۇلان قاينازاروۆ پەن سەرٸك قۋانعان ولجالادى. ٷشٸنشٸ ورىندى تٸلەگەن ەدٸلوۆ, ەسەم ەرەجەقىزى, راۋان قايداروۆتار الدى.
ەسكە سالا كەتەيٸك, بىلتىر «Nur Otan» پارتيياسىنىڭ قولداۋىمەن ەلٸمٸزدٸڭ ٶڭٸرلەرٸندە ونعا جۋىق رەسپۋبليكالىق اقىندار ايتىسى ٶتكەن ەدٸ. اتاپ ايتقاندا, اتىراۋدا ف.وڭعارسىنوۆانىڭ 80 جىلدىعىنا, قاراعاندىدا س.سەيفۋلليننٸڭ 125 جىلدىعىنا, قوستانايدا ب.مايليننٸڭ 125 جىلدىعىنا وراي جەنە الماتى قالاسىندا «وتان وتباسىنان باستالادى» اتتى رەسپۋبليكالىق اقىندار ايتىسى ۇيىمداستىرىلىپ, جىر الامانى باتىس قازاقستان وبلىسىندا «التىن دومبىرا» ايتىسىمەن قورىتىندىلاندى.
ەندٸ مٸنە, سول ٷردٸس بيىل دا جالعاسىن تاۋىپ وتىر. حاكٸم ابايدىڭ 175 جىلدىعىنا وراي رەسپۋبليكالىق, وبلىستىق جەنە اۋداندىق دەڭگەيدەگٸ 20-عا جۋىق اقىندار ايتىسى ٶتەدٸ دەپ جوسپارلانۋدا. ودان بٶلەك, ەبۋ ناسىر ەل-فارابيدٸڭ 1150 جىلدىعىنا جەنە جەڭٸستٸڭ 75 جىلدىعىنا ارنالعان اقىندار ايتىستارى ۇيىمداستىرىلادى.
