ابايدىڭ 180 جىلدىق مەرەيتويى قارساڭىندا قولعا الىنعان «ابايعا قۇرمەت» رەسپۋبليكالىق اكتسيياسى اياسىندا اباي وبلىسىندا اۋقىمدى قۇرىلىس جۇمىستارى جٷرگٸزٸلۋدە. پرەزيدەنت قاسىم-جومارت توقاەۆتىڭ قولداۋىمەن باستالعان باستاماعا ەلٸمٸزدٸڭ بارلىق ٶڭٸرلەرٸ, ۇلتتىق كومپانييالار مەن ٸرٸ ينۆەستورلار اتسالىسىپ جاتىر. بۇل تۋرالى اباي وبلىسىنىڭ ەكٸمٸ بەرٸك ۋەلي مەلٸمدەدٸ, دەپ حابارلايدى ult.kz.
اباي وبلىسىنىڭ ەكٸمٸ بەرٸك ۋەليدٸڭ ايتۋىنشا, «ابايعا قۇرمەت» رەسپۋبليكالىق اكتسيياسى اياسىندا ەلٸمٸزدٸڭ ەر ٶڭٸرٸ وبلىسقا بٸر-بٸر نىساننان تارتۋ جاساپ جاتىر. ونىڭ سٶزٸنشە, بۇل – تۇتاس قازاق حالقىنىڭ ۇلى ويشىل ابايعا جەنە ونىڭ تۋعان جەرٸنە دەگەن ەرەكشە قۇرمەتٸنٸڭ بەلگٸسٸ.
«قازٸر اتالعان اكتسييا اياسىندا بٸرنەشە نىساننىڭ قۇرىلىسى باستالىپ تا كەتتٸ. اكتسييانى العاشقىلاردىڭ بٸرٸ بولىپ ماڭعىستاۋ وبلىسى قولداپ, سەمەي قالاسىنداعى جاڭا ەكٸمشٸلٸك-ٸسكەرلٸك ورتالىقتا دوستىق ٷيٸنٸڭ قۇرىلىسىن باستادى. قالاداعى بەيبٸتشٸلٸك ارالىندا سولتٷستٸك قازاقستان وبلىسىنىڭ سىيى – رەمٸزدەر الاڭىنىڭ, ال قالانىڭ سول جاعالاۋىندا اقتٶبە وبلىسىنىڭ تارتۋى – جەكپە-جەك سارايىنىڭ قۇرىلىسى قارقىندى جٷرٸپ جاتىر. وسىلايشا, «ابايعا قۇرمەت» اكتسيياسى اياسىندا جاڭا شاعىن اۋدان عانا ەمەس, وبلىس ورتالىعىنىڭ ەر اۋماعى اباتتاندىرىلىپ, جاڭا كەلبەتكە ەنەدٸ.
ال كەشە جاڭا ەكٸمشٸلٸك-ٸسكەرلٸك ورتالىقتا ٷش بٸردەي نىساننىڭ قۇرىلىسىنا باستاۋ بەردٸك. ولار – شىمكەنت قالاسىنىڭ سىيى شىعارماشىلىق ورتالىعى, الماتى قالاسىنىڭ تارتۋى – مەدياورتالىق جەنە پاۆلودار وبلىسىنىڭ سىيى – ٷستەل تەننيسٸ ورتالىعى», – دەيدٸ بەرٸك ۋەلي.
جوبا اياسىندا تٷركٸستان وبلىسى كٶرمە ورتالىعىن, قىزىلوردا وبلىسى «اناعا تاعزىم» ورتالىعىن, اتىراۋ وبلىسى «اباي ەلەمٸ» ورتالىعىن, جەتٸسۋ وبلىسى سەمەي قالاسىنىڭ كٸرەبەرٸسٸنە قالا قاقپاسىن تۇرعىزادى. سونداي-اق باتىس قازاقستان وبلىسى سپورت كەشەنٸن, قوستاناي وبلىسى رۋحانييات ورتالىعىن, استانا قالاسى «كەلەشەك» مەكتەبٸن سالۋدى جوسپارلاپ وتىر. شىعىس قازاقستان وبلىسى ەرتٸس ٶزەنٸنٸڭ جاعالاۋىن اباتتاندىرۋ جۇمىستارىن جٷرگٸزەدٸ.
بۇدان بٶلەك, شىمكەنت قالاسى شىعارماشىلىق ورتالىعىمەن قاتار سەمەي قالاسىنىڭ ۆودنىي كەنتٸنە مەدەنيەت ٷيٸن تارتۋ ەتپەك.
ەكٸمنٸڭ مەلٸمەتٸنشە, اكتسيياعا ۇلتتىق كومپانييالار مەن ٸرٸ ينۆەستورلار دا بەلسەندٸ قاتىسۋدا. مەسەلەن, «KAZ Minerals» كومپانييالار توبى جاڭا ەكٸمشٸلٸك-ٸسكەرلٸك ورتالىقتا ستاديون قۇرىلىسىن قولعا العان. «سامۇرىق-قازىنا» قورى ميرنىي كەنتٸندە دەنە شىنىقتىرۋ-ساۋىقتىرۋ كەشەنٸن سالۋدا. ال «قازاقستان حالقىنا» قورى ينكليۋزيۆتٸ سپورت ورتالىعىن, «قازاقستان تەمٸر جولى» ۇلتتىق كومپانيياسى دەنە شىنىقتىرۋ-ساۋىقتىرۋ كەشەنٸن, «قازمۇنايگاز» ۇلتتىق كومپانيياسى بولاشاق سارايىن سالۋدى جوسپارلاپ وتىر.
وبلىس ەكٸمٸ بۇل باستامانى اباي ەلٸنە كٶرسەتٸلگەن ەرەكشە قۇرمەت پەن ەل بٸرلٸگٸنٸڭ ايقىن كٶرٸنٸسٸ دەپ باعالادى. سونداي-اق پرەزيدەنتكە, ٷكٸمەتكە, ٶڭٸر ەكٸمدەرٸنە جەنە جوباعا قولداۋ بٸلدٸرٸپ جاتقان ۇلتتىق كومپانييالار مەن بيزنەس قۇرىلىمدارعا العىسىن جەتكٸزدٸ.
ونىڭ ايتۋىنشا, نەگٸزگٸ مٸندەت – بارلىق نىسانداردى ساپالى ەرٸ بەلگٸلەنگەن مەرزٸمدە اياقتاپ, حالىق يگٸلٸگٸنە بەرۋ. وسى ماقساتتا ەربٸر قۇرىلىس جوباسى تۇراقتى باقىلاۋدا بولادى.
«سەمەيدٸ دامىتۋ – بٸر ٶڭٸردٸڭ عانا ەمەس, تۇتاس ەلدٸڭ ورتاق مٸندەتٸ. «ابايعا قۇرمەت» اكتسيياسى وسى جولداعى ىنتىماق پەن بٸرلٸكتٸڭ ناقتى كٶرٸنٸسٸ», – دەدٸ بەرٸك ۋەلي.
