ەر قازاق «اباي سٶزٸنەن تاعىلىم الدىم با?» دەپ ويلانۋى كەرەك. بۇنداي پٸكٸردٸ پارلامەنت مەجٸلٸسٸنٸڭ دەپۋتاتى ساۋىتبەك ابدراحمانوۆ ايتتى, دەپ حابارلايدى قازاقپارات تٸلشٸسٸ.
«اباي قۇنانبايۇلىنىڭ 175 جىلدىق مەرەيتويىن ٶتكٸزۋ جٶنٸندەگٸ مەملەكەتتٸك كوميسسييانىڭ العاشقى وتىرىسى ٶتتٸ. بۇل جيىن بارىسىندا الداعى مەرەيتويدىڭ جاي-جاپسارى, اتقارىلاتىن ٸستٸڭ اۋقىمى ايقىندالدى. اتقارىلاتىن شارالاردىڭ سىرتىندا, ەڭ ٷلكەن جۇمىس بٸزدٸڭ ٶزٸمٸزدٸڭ ٸشٸمٸزدە, جٷرەگٸمٸزدە جاسالۋى كەرەك دەپ سانايمىن. ەر قازاق «اباي اتامىزدىڭ ايتقانىن تىڭدادىم با? كەمەڭگەردٸڭ سٶزٸنەن تاعىلىم الدىم با? قازٸر قاندايمىز, اباي كٷتكەن حالىقپىز با? ابايدىڭ اماناتىن اقتادىق پا?» دەگەن تۇرعىدا ويلانىپ, تولعانسا, ەڭ ٷلكەن ولجا سول بالادى. بٸزدٸڭ حالقىمىز اباي ٶلەڭدەرٸن تەك جاتتاۋمەن تىنباي, ٸشكٸ تٷلەۋگە كٶپ كٶڭٸل بٶلسە دەيمٸز», - دەپ توقتالدى ساۋىتبەك ابدراحمانوۆ.
سونىمەن قاتار, دەپۋتات ۇلى ابايدىڭ 175 جىلدىعىنا وراي اقىن ٶلەڭدەرٸن وقۋ ەستافەتاسىنا قاتىستى ٶز ويىن ايتتى.
«حالىقتىڭ وسى مەسەلەدە ەرەكشە سٸلكٸنٸستە تۇرعاندىعى #Abai175 چەللەندجٸنەن جاقسى كٶرٸنٸپ وتىر. پرەزيدەنت قاسىم-جومارت توقاەۆتان باستاپ حالىقتىڭ بەلگٸلٸ تۇلعالارى, قاراپايىم ازاماتتار اباي ٶلەڭدەرٸن جاتتاپ, بٸر-بٸرٸنە جالعاستىرىپ جاتقانى بٸر عانيبەت», - دەدٸ س.ابدراحمانوۆ.
ايتا كەتەيٸك, بٷگٸن قر پرەمەر-مينيسترٸنٸڭ ورىنباسارى گٷلشارا ەبدٸقالىقوۆانىڭ تٶراعالىعىمەن 2020 جىلى قازاق حالقىنىڭ ۇلى اقىنى, اعارتۋشىسى اباي قۇنانبايۇلىنىڭ تۋعانىنا 175 جىلدىق مەرەيتويىن ٶتكٸزۋ جٶنٸندەگٸ مەملەكەتتٸك كوميسسييانىڭ العاشقى وتىرىسى ٶتتٸ.
جيىن بارىسىندا حالىقارالىق, رەسپۋبليكالىق جەنە ٶڭٸرلٸك دەڭگەيدەگٸ 500-گە جۋىق تٷرلٸ شارا قامتىلعان اباي قۇنانبايۇلىنىڭ 175 جىلدىق مەرەيتويىنا دايىندالۋ مەن ٶتكٸزۋ جٶنٸندەگٸ جالپىرەسپۋبليكالىق جوسپاردىڭ جوباسى قارالدى.
