قازاقستاننىڭ رەسەيدەگٸ ەلشٸسٸ يمانعالي تاسماعامبەتوۆ اباي ٶلەڭٸنەن ٷزٸندٸ وقۋ ەستافەتاسىن قارا سٶزبەن جالعادى, دەپ حابارلايدى "ۇلت اقپارات".
ەلشٸلٸكتٸڭ Facebook پاراقشاسىندا جٷكتەلگەن ۆيدەودا يمانعالي تاسماعامبەتوۆ بۇل ەستافەتانى قارا سٶزبەن جالعاۋدى جٶن كٶرگەنٸن ايتادى.
«مەن پوەزييا ەستافەتاسىن دوسىم يگور كرۋتوي مەن مارالتاي ٸنٸمنەن قابىلداپ, ۇلى ابايدىڭ التىنشى قارا سٶزٸنە توقتالسام», - دەپ باستادى ول.
ەل بٸرلٸگٸنە قاتىستى دانىشپان ابايدىڭ وي تولعامىن ناقىشىنا كەلتٸرە وقىعان ەلشٸ ەستافەتا كەزەگٸن ٶزٸنٸڭ دوسىنا جولدايتىنىن ايتادى.
«مەن ٶز كەزەگٸمدە وسى ەستفەتانى جان دوسىم, مەدەنيەت تارلانى دوسقان جولجاقسىنوۆقا جولدايمىن», - دەپ تٷيٸندەدٸ ديپلومات.
ايتا كەتەيٸك, بۇعان دەيٸن قر پرەزيدەنتٸ قاسىم-جومارت توقاەۆ 9 جاستاعى مەكتەپ وقۋشىسىنىڭ ەستافەتاسىن قابىل الىپ, ونى بٸلٸم جەنە عىلىم مينيسترٸ اسحات ايماعامبەتوۆكە, مەدەنيەت جەنە سپورت مينيسترٸ اقتوتى رايىمقۇلوۆاعا جەنە بٷكٸل ەلەمدٸ مويىنداتقان تالانتتى ەنشٸ ديماش قۇدايبەرگەنگە جولداعان ەدٸ.
