وقۋ-اعارتۋ مينيسترٸنٸڭ مٸندەتٸن اتقارۋشى جۇلدىز سٷلەيمەنوۆا الماتىداعى «اباي ۇلتتىق مەكتەبٸنە» بارىپ, مەكتەپ تٷلەكتەرٸ, پەداگوگتەرٸ جەنە وقۋشىلارىمەن كەزدەستٸ, دەپ حابارلايدى ult.kz.
الدىمەن مينيستردٸڭ مٸندەتٸن اتقارۋشى مەكتەپ تٷلەكتەرٸمەن جٷزدەستٸ. ولاردىڭ قاتارىندا جۋرناليستەر, ايتىسكەرلەر جەنە قوعام قايراتكەرلەرٸ بولدى. كەزدەسۋ اشىق سۇراق-جاۋاپ فورماتىندا ٶتتٸ.
تٷلەكتەر سوڭعى كٷندەرٸ ەلەۋمەتتٸك جەلٸلەردە مەكتەپكە قاتىستى كٶتەرٸلگەن مەسەلەلەر بويىنشا ساۋالدارىن قويدى. اتاپ ايتقاندا, اۋديت قورىتىندىسى, مەكتەپ باسشىلىعىنداعى ٶزگەرٸستەر جەنە وقۋ پروتسەسٸنٸڭ قازٸرگٸ جاعدايى تالقىلاندى.
جۇلدىز سٷلەيمەنوۆا قويىلعان سۇراقتارعا جاۋاپ بەرٸپ, كٶتەرٸلگەن مەسەلەلەردٸ اشىق تالقىلادى.
كەيٸن مينيستردٸڭ مٸندەتٸن اتقارۋشى مەكتەپ پەداگوگتەرٸمەن كەزدەستٸ. ۇستازدار وقۋ پروتسەسٸن ۇيىمداستىرۋ, مەكتەپتٸڭ كٷندەلٸكتٸ جۇمىسى جەنە ٸشكٸ مەسەلەلەر بويىنشا سۇراقتارىن قويدى. مينيسترلٸك ٶكٸلٸ پەداگوگتەردٸڭ ۇسىنىستارى مەن پٸكٸرلەرٸن تىڭدادى.
سونداي-اق جۇلدىز سٷلەيمەنوۆا مەكتەپ عيماراتى مەن جاتاقحانانى ارالاپ, وقۋشىلارعا جاسالعان جاعدايمەن تانىستى. ول وقۋشىلارمەن سٶيلەسٸپ, ولاردىڭ وقۋ بارىسى مەن مەكتەپتەگٸ ٶمٸرٸ تۋرالى پٸكٸرلەرٸن تىڭدادى.
وقۋ-اعارتۋ مينيسترلٸگٸنٸڭ مەلٸمەتٸنشە, قازٸرگٸ تاڭدا «اباي ۇلتتىق مەكتەبٸ» شتاتتىق رەجيمدە جۇمىس ٸستەپ, وقۋ پروتسەسٸ قالىپتى جالعاسىپ جاتىر.
بۇعان دەيٸن وقۋ-اعارتۋ مينيسترلٸگٸ "اباي ۇلتتىق مەكتەبٸنە" قاتىستى تٷسٸنٸكتەمە بەرگەن ەدٸ.
