Oqý-aǵartý ministriniń mindetin atqarýshy Juldyz Súleimenova Almatydaǵy «Abai ulttyq mektebine» baryp, mektep túlekteri, pedagogteri jáne oqýshylarymen kezdesti, dep habarlaidy ult.kz.
Aldymen ministrdiń mindetin atqarýshy mektep túlekterimen júzdesti. Olardyń qatarynda jýrnalister, aityskerler jáne qoǵam qairatkerleri boldy. Kezdesý ashyq suraq-jaýap formatynda ótti.
Túlekter sońǵy kúnderi áleýmettik jelilerde mektepke qatysty kóterilgen máseleler boiynsha saýaldaryn qoidy. Atap aitqanda, aýdit qorytyndysy, mektep basshylyǵyndaǵy ózgerister jáne oqý protsesiniń qazirgi jaǵdaiy talqylandy.
Juldyz Súleimenova qoiylǵan suraqtarǵa jaýap berip, kóterilgen máselelerdi ashyq talqylady.
Keiin ministrdiń mindetin atqarýshy mektep pedagogterimen kezdesti. Ustazdar oqý protsesin uiymdastyrý, mekteptiń kúndelikti jumysy jáne ishki máseleler boiynsha suraqtaryn qoidy. Ministrlik ókili pedagogterdiń usynystary men pikirlerin tyńdady.
Sondai-aq Juldyz Súleimenova mektep ǵimaraty men jataqhanany aralap, oqýshylarǵa jasalǵan jaǵdaimen tanysty. Ol oqýshylarmen sóilesip, olardyń oqý barysy men mekteptegi ómiri týraly pikirlerin tyńdady.
Oqý-aǵartý ministrliginiń málimetinshe, qazirgi tańda «Abai ulttyq mektebi» shtattyq rejimde jumys istep, oqý protsesi qalypty jalǵasyp jatyr.
Buǵan deiin Oqý-aǵartý ministrligi "Abai ulttyq mektebine" qatysty túsinikteme bergen edi.
