قر ەڭبەك جەنە حالىقتى ەلەۋمەتتٸك قورعاۋ مينيسترٸ سەرٸك شەپكەنوۆ حالىققا ەسەپ بەرۋ كەزدەسۋٸندە اتاۋلى ەلەۋمەتتٸك كٶمەك بەرۋدەگٸ زاماناۋي تسيفرلىق شەشٸمدەر تۋرالى ايتىپ بەردٸ, دەپ حابارلايدى قازاقپارات.
مينيستر 2020 جىلى قازاقستاندا اشىقتىقتى, ەدٸلدٸكتٸ جەنە ٶزارا جاۋاپكەرشٸلٸكتٸ كٷشەيتۋ قاعيداتتارىنا نەگٸزدەلگەن اتاۋلى ەلەۋمەتتٸك كٶمەك (اەك) كٶرسەتۋدٸڭ جاڭا مودەلٸ ٸسكە اسىرىلعانىن اتاپ ٶتتٸ.
«اتاۋلى ەلەۋمەتتٸك كٶمەك شەڭبەرٸندە 4 جەنە ودان دا كٶپ بالالارى بار وتباسىلارعا بەرٸلەتٸن جەردەماقى ەنگٸزٸلدٸ جەنە تابىسى از وتباسىلاردىڭ بالالارى ٷشٸن كەپٸلدٸك بەرٸلگەن ەلەۋمەتتٸك توپتاما ەنگٸزٸلدٸ. توپتامانىڭ قۇرامىن قالىپتاستىرۋدا دەنساۋلىق ساقتاۋ, بٸلٸم بەرۋ ماماندارىنىڭ ۇسىنىمدارى, جۇرتشىلىقتىڭ پٸكٸرٸ ەسكەرٸلدٸ. 2020 جىلى 435 مىڭ بالا وسىنداي ەلەۋمەتتٸك توپتاما الدى», - دەدٸ مينيستر.
ەڭبەك مينيسترلٸگٸ دەرەكتەرٸنە سەيكەس, بىلتىر بارلىعى 936 مىڭنان استام ادام نەمەسە تابىسى از 185 مىڭ وتباسى ەلەۋمەتتٸك كٶمەك الدى. ونىڭ ٸشٸندە 600 مىڭ بالا (64%), 73,5 مىڭ كٶپبالالى وتباسى بار.
جۇمىسپەن قامتۋعا جەردەمدەسۋدٸڭ بەلسەندٸ شارالارىنا 201 مىڭ ادام نەمەسە ەڭبەككە قابٸلەتتٸ اەك الۋشىلاردىڭ 74%-ى تارتىلدى, 1,4 مىڭ وتباسى ٶز ٸسٸن دامىتۋ ٷشٸن جەڭٸلدەتٸلگەن ميكروكرەديت الدى.
«اەك-تٸ ودان ەرٸ جەتٸلدٸرۋ ماقساتىندا جەنە الۋشىلارعا ىڭعايلى بولۋ ٷشٸن بٸز زاماناۋي تسيفرلىق شەشٸمدەردٸ ەنگٸزۋدٸ جالعاستىرامىز. مەسەلەن, 2021 جىلدان باستاپ اەك-كە ٶتٸنٸشتٸ ەلەكتروندىق ٷكٸمەت پورتالى ارقىلى بەرۋگە بولادى. بالالارعا ارنالعان ەلەۋمەتتٸك توپتاما ەلەۋمەتتٸك قىزمەتتەر پورتالىنا اۋىستىرىلادى. جاڭا «ەڭبەك» ۇلتتىق جوباسى اياسىندا ەڭبەككە قابٸلەتتٸ ەلەۋمەتتٸك كٶمەك الۋشىلاردىڭ تابىسىن ارتتىرۋ ٷشٸن جۇمىسقا ورنالاستىرۋ, سۇرانىسقا يە ماماندىقتارعا وقىتۋ, ٶز ٸسٸن اشۋ نەمەسە دامىتۋ ٷشٸن جەڭٸلدٸكتٸ ميكروكرەديتتەر مەن گرانتتار بەرۋ بويىنشا كەشەندٸ شارالار ۇسىنىلاتىن بولادى», – دەپ تٷيٸندەدٸ س. شەپكەنوۆ.
