9,4 ميلليون قازاقستاندىق موبيلدٸ ازاماتتار بازاسىنا تٸركەلدٸ, دەپ حابارلايدى "ۇلت اقپارات" «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ باسپاسٶز قىزمەتٸنە سٸلتەمە جاساپ.
«ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ قىزمەتكەرلەرٸ كارانتين ەنگٸزٸلگەننەن كەيٸن ناۋرىز ايىنان بەرٸ 1,6 ميلليون ازاماتتى موبيلدٸ ازاماتتار بازاسىنا (ماب) تٸركەدٸ. جالپى, موبيلدٸ قۇرالدار ارقىلى مەملەكەتتٸك قىزمەتتەردٸ ونلاين الۋعا مٷمكٸندٸك بەرەتٸن بۇل بازانى قازٸرگٸ تاڭدا 9,4 ميلليون قازاقستاندىق قولدانۋدا.
«ازاماتتارعا ارنالعان ٷكٸمەت» كەاق باسقارما تٶرايىمى ەسەمگٷل بالتاشەۆانىڭ ايتۋىنشا, قازاقستان بويىنشا مەملەكەتتٸك كورپوراتسييانىڭ بٸرقاتار مامانى قايتا دايارلاۋدان ٶتٸپ, ۆيدەوكەڭەسشٸ رەتٸندە ازاماتتاردى قاشىقتىقتان ماب-نا تٸركەۋگە كٸرٸسكەن.
«قازٸر 1414 سall-ورتالىعىندا بٸر جارىم مىڭ ادام جۇمىس ٸستەيدٸ. سونىڭ ٸشٸندە 400 ۆيدەوكەڭەسشٸ ونلاين تەرتٸپتە تۇرعىنداردى موبيلدٸ ازاماتتار بازاسىنا تٸركەۋمەن اينالىسادى. وسىنىڭ نەتيجەسٸندە كوروناۆيرۋس ٸندەتٸ كەزٸندە دە بۇل ٷردٸس توقتاماي, سوڭعى 5-6 اي ٸشٸندە مەملەكەتتٸك قىزمەتتەردٸ موبيلدٸ قۇرالدار مەن egov.kz پورتالى ارقىلى الۋشىلاردىڭ قاتارى 1,6 ميلليونعا ارتتى», - دەيدٸ ەسەمگٷل بالتاشەۆا.
ماب-قا تٸركەلگەن تۇلعالار مەملەكەتتٸك قىزمەتتەرگە eGovMobile قوسىمشاسى, EgovKzBot2.0 تەلەگرام-بوتى ارقىلى قول جەتكٸزٸپ, سونداي-اق پرواكتيۆتٸ قىزمەتتەر مەن باسقا دا سەرۆيستەردٸڭ يگٸلٸگٸن كٶرە الادى. ونىڭ ٷستٸنە ماب قولدانۋشىلارىنا قۇجاتتىڭ دايىن بولعاندىعى نەمەسە ەتسق مەرزٸمٸنٸڭ ٶتٸپ بارا جاتقاندىعى تۋرالى sms-حابارلاما كەلەدٸ.
ايتا كەتۋ كەرەك, موبيلدٸ ازاماتتار بازاسىنا egov.kz ەلەكتروندىق ٷكٸمەت پورتالىنداعى جەكە كابينەت ارقىلى نەمەسە egov.kz ۆيرتۋالدى كەڭەسشٸسٸنٸڭ كٶمەگٸمەن تٸركەلۋگە بولادى.
موبيلدٸ ازاماتتار بازاسىنداعى تٸركەۋدٸ تەكسەرۋ ٷشٸن egov.kz ەلەكتروندىق پورتالىنداعى «سەرۆيستەر» بٶلٸمٸن قاراۋ كەرەك.
