بٸشكەكتە №49 ورتا مەكتەپتٸڭ 3 «ك» سىنىبىنىڭ وقۋشىسى 9 جاستاعى نۇرمۇحامەد جۇمابەكوۆكە تجمب باسشىلىعى جانىپ جاتقان ٷيدەن ادامداردىڭ ٶمٸرٸن قۇتقارۋ كەزٸندە كٶرسەتكەن ەرلٸگٸ مەن باتىلدىعى ٷشٸن «قۇرمەت گراموتاسىن» سالتاناتتى تٷردە تاپسىردى, دەپ حابارلايدى قازاقپارات كabar اگەنتتٸگٸنە سٸلتەمە جاساپ.
تجم باسپاسٶز قىزمەتٸ حابارلاعانداي, نۇرمۇحامەد ٷيٸندە بولعان ٶرت كەزٸندە ٶزٸنٸڭ ٸنٸلەرٸ - 2014 جىلى تۋعان ن.ب. جۇمابەكوۆتى, 2016 جىلى تۋعان ا.ب.جۇمابەكوۆتى جەنە 2018 جىلى تۋعان ن.ب. بولوتبەكوۆتى قۇتقارعان.
ەسكە سالا كەتەيٸك, وسى جىلدىڭ 24 قىركٷيەگٸندە ساعات 13:44 شاماسىندا پەرۆوماي اۋدانىنىڭ مەساروش كٶشەسٸندەگٸ №85-ٷيدە ٶرت شىققان بولاتىن. ٶرت سالدارىنان اۋماعى 90 شارشى مەتر ۋاقىتشا باسپانا جانعان. ٶرتتٸڭ شىعۋ سەبەبٸ ناقتىلانۋدا.
ٶرت ورنىندا №6 ٶرت سٶندٸرۋ-قۇتقارۋ بٶلٸمٸنٸڭ بٸر ٶرت سٶندٸرۋ بٶلٸمٸ جۇمىس ٸستەدٸ.
