قازاقستاندا ونلاين-پلاتفورمالاردا بالاعات سٶز قولدانعانى ٷشٸن ەكٸمشٸلٸك جاۋاپكەرشٸلٸك ەنگٸزۋ جوسپارلانىپ وتىر. بۇل تۋرالى پرەمەر-مينيستر ولجاس بەكتەنوۆ مەجٸلٸس دەپۋتاتتارىنىڭ ساۋالىنا بەرگەن جاۋابىندا مەلٸمدەدٸ, دەپ حابارلايدى ult.kz.
ٷكٸمەت باسشىسىنىڭ ايتۋىنشا, قولدانىستاعى ەكٸمشٸلٸك قۇقىق بۇزۋشىلىق تۋرالى كودەكستٸڭ 434-بابىنا سەيكەس قوعامدىق ورىنداردا بالاعات سٶز ايتۋ, ازاماتتارعا تيٸسۋ جەنە قوعامدىق تەرتٸپتٸ بۇزاتىن ٶزگە دە ەرەكەتتەر ۇساق بۇزاقىلىق رەتٸندە باعالانادى.
مۇنداي قۇقىق بۇزۋشىلىق ٷشٸن 20 ايلىق ەسەپتٸك كٶرسەتكٸش (86 مىڭ تەڭگەدەن استام) كٶلەمٸندە ايىپپۇل سالۋ, 20-دان 60 ساعاتقا دەيٸن قوعامدىق جۇمىستارعا تارتۋ نەمەسە 5-تەن 15 تەۋلٸككە دەيٸن ەكٸمشٸلٸك قاماۋعا الۋ جازاسى قاراستىرىلعان.
ولجاس بەكتەنوۆتٸڭ مەلٸمەتٸنشە, قازٸر «قازاقستان رەسپۋبليكاسىنىڭ ەكٸمشٸلٸك قۇقىق بۇزۋشىلىق تۋرالى كودەكسٸنە ونلاين-پلاتفورمالار جەنە بۇقارالىق اقپارات قۇرالدارى مەسەلەلەرٸ بويىنشا ٶزگەرٸستەر مەن تولىقتىرۋلار ەنگٸزۋ تۋرالى» زاڭ جوباسى ەزٸرلەنگەن.
قۇجاتتا ەقبتك-نٸڭ 434-بابىن تولىقتىرىپ, ونلاين-پلاتفورمالاردا بالاعات سٶز قولدانعانى ٷشٸن ەكٸمشٸلٸك جاۋاپكەرشٸلٸك بەلگٸلەۋ كٶزدەلٸپ وتىر.
