جامبىل وبلىسىنىڭ پوليتسەيلەرٸ سەگٸز جىل بۇرىن جاسالعان قاراقشىلىق قىلمىستىڭ بەتٸن اشتى. قىلمىسقا قاتىسى بار 41 جاستاعى ەر ادام قولعا تٷستٸ, دەپ حابارلايدى ult.kz.
ٸشكٸ ٸستەر مينيسترلٸگٸنٸڭ مەلٸمەتٸنشە, 2018 جىلى مەركٸ اۋدانىنداعى اۆتوجولداردىڭ بٸرٸندە بەلگٸسٸز ەر ادام ەيەلگە شابۋىل جاساعان. قاسكٶي جەبٸرلەنۋشٸنٸ كٷش قولدانىپ ۇرىپ-سوعىپ, ونىڭ التىن ەشەكەيلەرٸن تارتىپ الىپ, وقيعا ورنىنان ٸزٸن سۋىتقان.
وقيعادان كەيٸن پوليتسييا جەدەل-ٸزدەستٸرۋ جەنە تەرگەۋ جۇمىستارىن باستاعان. جەبٸرلەنۋشٸنٸڭ سيپاتتاماسى نەگٸزٸندە كٷدٸكتٸنٸڭ فوتوروبوتى جاسالعانىمەن, سول كەزدە ونىڭ جەكە باسىن انىقتاۋ مٷمكٸن بولماعان. الايدا ٸستٸ اشۋ جۇمىستارى توقتاتىلماعان.
ارادا سەگٸز جىل ٶتكەن سوڭ اشىلماعان قىلمىستار قايتا تەكسەرٸلٸپ, پوليتسەيلەر فوتوروبوتتاعى ادامدى تانىعان. جٷرگٸزٸلگەن جەدەل شارالار نەتيجەسٸندە كٷدٸكتٸنٸڭ كٸم ەكەنٸ انىقتالىپ, ونىڭ جٷرگەن جەرٸ بەلگٸلەندٸ.
پروكۋراتۋرانىڭ ٷيلەستٸرۋٸمەن پوليتسييا 41 جاستاعى ەر ادامدى ۇستادى. قازٸر اتالعان دەرەك بويىنشا قازاقستان رەسپۋبليكاسى قىلمىستىق كودەكسٸنٸڭ 192-بابى 1-بٶلٸگٸ («قاراقشىلىق») بويىنشا سوتقا دەيٸنگٸ تەرگەۋ جٷرگٸزٸلٸپ جاتىر.
ايتا كەتەيٸك, بۇعان دەيٸن قاراعاندىدا قاراقشىلىق شابۋىل مەن ۇرلىق جاسادى دەگەن كٷدٸكپەن ەر ادامنىڭ ۇستالعانى حابارلانعان بولاتىن.
