سينوپتيكتەر 8 سەۋٸرگە ارنالعان اۋا رايى بولجامىن جارييالادى, - دەپ حابارلايدى "ۇلت اقپارات" "قازگيدرومەت" ورتالىعىنا سٸلتەمە جاساپ.
مەتەورولوگتاردىڭ حابارلاۋىنشا, ەرتەڭ, 8 سەۋٸردە اتموسفەرالىق فرونتتاردىڭ ٶتۋٸنە بايلانىستى قازاقستاننىڭ باسىم بٶلٸگٸندە جاۋىن-شاشىن, تەك وڭتٷستٸك-باتىستا كٷن اشىق بولادى. رەسپۋبليكانىڭ كەي جەرلەرٸندە تۇمان, كٶكتايعاق, جەلدٸڭ كٷشەيۋٸ, وڭتٷستٸك-شىعىسىندا نايزاعاي كٷتٸلەدٸ, بۇرشاق جاۋۋى مٷمكٸن.
"جامبىل, وڭتٷستٸك قازاقستان وبلىستارىنىڭ كەي جەرٸندە جەل كٷشەيەدٸ, تٷندە تۇمان تٷسەدٸ. قىزىلوردا وبلىسىنىڭ كەي جەرلەرٸندە تۇمان, جەلدٸڭ شاڭدى داۋىلمەن كٷشەيۋٸ كٷتٸلەدٸ. الماتى وبلىسىنىڭ كەي جەرلەرٸندە نايزاعاي, بۇرشاق بولۋى مٷمكٸن, جەلدٸڭ جىلدامدىعى سەكۋندىنا 15-20 مەتر بولادى", - دەيدٸ ماماندار.
سونىمەن قاتار, اقمولا, قاراعاندى, شىعىس قازاقستان, كٷندٸز سولتٷستٸك قازاقستان, قوستاناي, پاۆلودار وبلىستارىندا جەلدٸڭ كٷشەيۋٸ, تۇمان, كٶكتايعاق كٷتٸلەدٸ. اقتٶبە, كٷندٸز باتىس قازاقستان وبلىستارىنىڭ كەي جەرلەرٸندە جەل كٷشەيٸپ, تۇمان تٷسەدٸ. ماڭعىستاۋ وبلىسىنىڭ كەي جەرلەرٸندە تۇمان, اتىراۋ وبلىسىنىڭ كەي جەرلەرٸندە جەلدٸڭ كٷشەيۋٸ كٷتٸلەدٸ.
ەسكە سالا كەتەيٸك, بۇعان دەيٸن سينوپتيكتەر ەلٸمٸزدٸڭ وڭتٷستٸگٸندە ٷسٸكتٸڭ جٷرەتٸنٸن ەسكەرتتٸ.
