ماڭعىستاۋ وبلىسىندا كاسپيي تەڭٸزٸنە شومىلۋعا بارىپ, جوعالىپ كەتكەن 18 جاستاعى بوزبالانى ٸزدەۋ جۇمىستارى قايعىلى اياقتالدى. قۇتقارۋشىلار ونىڭ مەيٸتٸن 8 كٷننەن كەيٸن تاپتى, دەپ حابارلايدى ult.kz.
وقيعا 7 شٸلدە كٷنٸ بولعان. جاس جٸگٸت دوستارىمەن بٸرگە تەڭٸزگە شومىلۋعا بارعان, الايدا سول كٷننەن كەيٸن ٷيٸنە ورالماعان.
ماڭعىستاۋ وبلىستىق تٶتەنشە جاعدايلار دەپارتامەنتٸنٸڭ مەلٸمەتٸنشە, ٸزدەۋ جۇمىستارى كەزٸندە اقتاۋ قالاسىنان 51 شاقىرىم قاشىقتىقتاعى جاعالاۋ ماڭىنان بوزبالانىڭ دەنەسٸ تابىلعان.
«بٷگٸن تٶتەنشە جاعدايلار دەپارتامەنتٸنٸڭ قىزمەتكەرلەرٸ جاعالاۋ سىزىعىنان شامامەن 10 مەتر قاشىقتىقتا سۋدان جاسٶسپٸرٸمنٸڭ مەيٸتٸن تاۋىپ, جاعاعا شىعاردى», – دەپ حابارلادى قۇتقارۋشىلار.
تابىلعان مەيٸت كەيٸن پوليتسييا قىزمەتكەرلەرٸنە تاپسىرىلدى. وقيعانىڭ مەن-جايىن تيٸستٸ ورگاندار انىقتاپ جاتىر.
