قر قارجى مينيسترٸ ەرۇلان جاماۋباەۆ موبيلدٸ اقشا اۋدارىمدارى قالاي زاڭداستىرىلاتىنىن تٷسٸندٸردٸ, دەپ حابارلايدى قازاقپارات.
«قارجى مينيسترلٸگٸ تيٸستٸ مٷددەلٸ مەملەكەتتٸك ورگاندارمەن جەنە بيزنەس-قارجىگەرلەر قاۋىمداستىعىمەن بٸرلەسە وتىرىپ, موبيلدٸك اۋدارىمداردى رەتتەۋگە قاتىستى زاڭ نورمالارىن ەزٸرلەگەن بولاتىن. ول قازٸر پارلامەنتتٸڭ قاراۋىندا جاتىر», - دەگەن مينيستر ٶزگەرٸستٸڭ مەنٸن بىلاي دەپ تٷسٸندٸردٸ:
«ٶزدەرٸڭٸز بٸلەسٸزدەر, جەكە كەسٸپكەرلەر كەسٸپكەرلٸكپەن اينالىسقاندا دا, جەكە اۋدارىمدار جاساعاندا دا قاراجاتتارى بٸر شوتتا ارالاسىپ كەتٸپ جاتىر. بۇل جالپى ەكٸمشٸلەندٸرۋگە مٷمكٸندٸك بەرمەيدٸ. سوندىقتان بٸز زاڭ اياسىندا كەسٸپكەرلٸكپەن اينالىسقانداردان جەكە شوت اشۋدى تالاپ ەتەمٸز جەنە جەكە اۋدارىمدار جٷرگٸزۋگە ارنايى بٶلەك شوت ۇستاۋى كەرەك. ياعني, بٸز وسىنداي تەتٸكتەردٸ بانكتەرمەن, بيزنەس قاۋىمداستىعىمەن بٸرلەسٸپ قاراستىرىپ جاتىرمىز. ونى بٸرتٸندەپ ەنگٸزەمٸز», - دەدٸ ۆەدومستۆو باسشىسى.
ەرۇلان جاماۋباەۆ اتالعان ٶزگەرٸستٸڭ قاراپايىم ازاماتتارعا قاتىسى جوق ەكەنٸن قايتالاپ ەسكە سالدى.
«بۇل جەردە ايتا كەتەتٸن نەگٸزگٸ بٸر مەسەلە – حالىق تاراپىنان الاڭداۋ بولماۋى كەرەك. سەبەبٸ ازاماتتاردىڭ قولدانىپ جٷرگەن كارتا شوتتارى ساقتالادى. ولاردىڭ كٷندەلٸكتٸ ٶزارا بٸر-بٸرٸنە اۋدارىپ جٷرگەن اقشالارىنا ەشقانداي نۇقسان كەلمەيدٸ. ياعني, بٷكٸل پروتسەسس سول كٷيٸندە ساقتالادى. الدىندا دا ايتقانىمىزداي, موبيلدٸ اۋدارىمداردى فيسكالداۋ ٷشٸن عانا زاڭعا بٸرتٸندەپ ٶزگەرٸستەر ەنگٸزەمٸز. قر ۇلتتىق بانكٸ جيناقتاپ وتىرعان مەلٸمەت بويىنشا, 8 ايدا موبيلدٸك اۋدارىمدار ارقىلى جەنە ينتەرنەت جەلٸسٸ ارقىلى جٷرگٸزٸلگەن اۋدارىمدار مەن تٶلەمدەردٸڭ جالپى كٶلەمٸ 36 ترلن تەڭگەنٸڭ ماڭايىندا قالىپتاسىپ وتىر. بۇل ٶتە قوسماقتى سوما», - دەدٸ قارجى مينيسترٸ.
