حالىققا قىزمەت كٶرسەتۋ ورتالىقتارىنىڭ (حقكو) كارانتين جاعدايىنداعى جۇمىسى, ونداعى بٷگٸنگٸ پروبلەمالار مەن ونىڭ شەشٸمٸ تۋرالى قازاقپارات تٸلشٸسٸنە «ازاماتتارعا ارنالعان ٷكٸمەت» مەملەكەتتٸك كورپوراتسيياسىنىڭ باسقارۋشى ديرەكتورى مۇرات جۇمانباي ايتىپ بەردٸ.
«كارانتين جاعدايىنا بايلانىستى بٸزدٸڭ كورپوراتسييانىڭ كٶپتەگەن قىزمەتتەرٸن قالىڭ كٶپشٸلٸك ونلاين تٷردە الىپ جاتىر. ياعني, ولاردا ٷيدە وتىرىپ, ەلەكتروندى تٷردە ٶتٸنٸش قالدىرىپ, قاجەتتٸ قىزمەتتٸ الۋ مٷمكٸندٸگٸ بار. وسى تۇرعىدا «ۇلتتىق اقپاراتتىق تەحنولوگييالار» اق ەلەكتروندى تسيفرلىق قولتاڭبانى ونلاين تٷردە الۋعا مٷمكٸندٸك جاسادى. سوڭعى 2 ايدىڭ ٸشٸندە 700 مىڭ قازاقستاندىق ەلەكتروندى تسيفرلىق قولتاڭبانى ونلاين تٷردە الدى. حالىققا قىزمەت كٶرسەتۋ ورتالىقتارىنداعى حالىق جيٸ تۇتىناتىن ەكٸنشٸ قىزمەت تٷرٸ ول قۇجاتتاندىرۋ. ونىڭ ٸشٸندە مەرزٸمٸنٸڭ بٸتۋٸنە بايلانىستى جەكە كۋەلٸكتٸ نەمەسە كٶلٸك تٶلقۇجاتىن اۋىستىرۋ. سونداي-اق, جاز مەزگٸلٸ بولعاندىقتان اۆتوموبيل كٶلٸكتەرٸن تٸركەۋ جەنە رەسٸمدەۋ قىزمەتٸ تۇرعىندار اراسىنداعى ەڭ كٶپ سۇرانىسقا يە قىزمەت بولىپ وتىر», - دەدٸ مۇرات جۇمانباي.
سونداي-اق, باسقارۋشى ديرەكتور حالىققا قىزمەت كٶرسەتۋ ورتالىقتارىنىڭ جۇمىسىنا قاتىستى ازاماتتاردان كەلٸپ تٷسەتٸن شاعىمدار تۋرالى ايتىپ ٶتتٸ.
«ٶزٸڭٸز بٸلەتٸندەي, كارانتين كٶپ جاعدايعا شەكتەۋ ەنگٸزدٸ. بۇرىن ازاماتتارىمىز قىزمەتتەر مەن انىقتامالاردى حالىققى قىزمەت كٶرسەتۋ ورتالىعىنا تٸكەلەي كەلٸپ الاتىن. قازٸر ورتالىققا كەلۋدٸڭ قاجەتٸ جوق, بەرٸن ونلاين تٷردە الۋعا بولادى. وسى تۇرعىدا كەيبٸر ازاماتتار تاراپىنان تٷسٸنٸسپەۋشٸلٸك تۋىنداپ, نەگە ٶزٸمٸز كەلٸپ المايمىز دەگەن سۇراقتار قويىلىپ, شاعىمدار كەلٸپ تٷستٸ. ياعني باستاپقىدا حالىققا ونلاين تٷردە قىزمەت الۋدى ٷيرەتۋدە كەدەرگٸلەر تۋىندادى. ۋاقىت ٶتە كەلە حالىق ونىڭ تيٸمدٸ ەكەنٸن تٷسٸندٸ. ەكٸنشٸ مەسەلە, حقكو-داعى كەزەكتٸ برونداۋعا قاتىستى بولىپ وتىر. دەگەنمەن بۇل پروبلەما نەگٸزٸنەن مامانداندىرىلعان حالىققا قىزمەت كٶرسەتۋ ورتالىعىنىڭ جۇمىسىنا قاتىستى. ال جالپى حقكو-دا كەزەك پروبلەماسى جوق. مامانداندىرىلعان حالىققا قىزمەت كٶرسەتۋ ورتالىعىنىڭ تاعى بٸر پروبلەماسى ول دەلدالدىق. بۇل پوبلەما ەسٸرەسە زاڭسىز جۇمىس ٸستەيتٸن ساقتاندىرۋ كومپانييالارىنا قاتىستى بولىپ وتىر. ولار سىرتتان حقكو-نا كەلگەن ادامداردى اڭدىپ تۇرىپ, ٶز قىزمەتتەرٸن ۇسىنىپ, پايدا تابادى. بٸز وسى پروبلەمانى جويۋ ٷشٸن مامانداندىرىلعان حقكو-دا ٶز-ٶزٸنە قىزمەت كٶرسەتۋ الاڭىن اشتىق. ول جەردە كومپيۋتەر مەن مامانداردان كەڭەس الۋ قىزمەتٸ قاراستىرىلعان. ٶتكەن اپتادا قۇقىق قورعاۋ ورگانىنىڭ ٶكٸلدەرٸ «ٶز قىزمەتتەرٸن» ۇسىنعان 4 دەلدالدى ەكٸمشٸلٸك جاۋاپ تارتتى», - دەدٸ ول.
