جٷكتٸلٸك جەردەماقىسىن زاڭسىز رەسٸمدەگەندەر سوتتالدى

فوتو: اشىق دەرەككٶز

قارجىلىق مونيتورينگ اگەنتتٸگٸ جٷكتٸلٸك پەن بوسانۋعا بايلانىستى جەردەماقىلار مەن اتاۋلى ەلەۋمەتتٸك كٶمەكتٸ زاڭسىز تاعايىنداۋ دەرەكتەرٸن ەشكەرەلەدٸ, دەپ حابارلايدى Ult.kz.

2024–2025 جىلدارى جالپى سوماسى 1,2 ملرد تەڭگە زالال كەلتٸرگەن 13 قىلمىستىق ٸس تەرگەلدٸ. ونىڭ ٸشٸندە 10 ٸس جٷكتٸلٸككە بايلانىستى جەردەماقىنى زاڭسىز رەسٸمدەۋگە قاتىستى بولسا, بۇل سحەمالاردى ۇيىمداستىرعان 15 ادام جاۋاپقا تارتىلدى.

جالعان جۇمىسپەن قامتۋ ارقىلى 385 جٷكتٸ ەيەلگە نەگٸزسٸز جەردەماقى رەسٸمدەلٸپ, مەملەكەتكە 1 ملرد تەڭگەدەن استام شىعىن كەلتٸرٸلگەن.

• اقتٶبە وبلىسىندا ٷمٸربەكوۆا مەن بايمۇرزاەۆا 70 ەيەلدٸ جالعان كەسٸپكەرلٸكتەرگە جۇمىسقا ورنالاستىرىپ, 487 ملن تەڭگە جىمقىرعانى ٷشٸن 6 جىلعا سوتتالدى.

• شىمكەنتتە دٷيسەنوۆا ۇقساس سحەما ارقىلى 98 ملن تەڭگە ۇرلاپ, 5 جىلعا باس بوستاندىعىنان ايىرىلدى.

الاياقتار جٷكتٸ ەيەلدەردٸ ارنايى قۇرىلعان جك-لارعا جالعان تٸركەپ, ٶتكەن كٷنمەن جوعارى كٶلەمدە ەلەۋمەتتٸك جەنە زەينەتاقى اۋدارىمدارىن رەسٸمدەگەن. وسىلايشا كٶتەرٸڭكٸ تٶلەمدەر الۋعا جاعداي جاساعان.

اتاۋلى ەلەۋمەتتٸك كٶمەك بويىنشا دا زاڭسىزدىقتار انىقتالدى. 15 لاۋازىمدى تۇلعاعا قاتىستى 3 قىلمىستىق ٸس قوزعالدى. باس بۋحگالتەرلەر ەلەۋمەتتٸك وسال توپقا كٸرمەيتٸن ادامداردى كٶمەك الۋشىلار تٸزٸمٸنە ەنگٸزٸپ, قارجىنى جالعان تۇلعالاردىڭ شوتىنا اۋدارىپ, قولما-قول اقشاعا اينالدىرعان.

2023 جىلدان بەرٸ قۇجات رەسٸمدەۋ جەنە ەلەۋمەتتٸك مەرتەبەنٸ eGov پورتالى ارقىلى الۋ پروتسەسٸنٸڭ تسيفرلاندىرىلۋى مۇنداي قىلمىستارعا جول بەرمەيتٸن بولدى.

اگەنتتٸك ەڭبەك جەنە حالىقتى ەلەۋمەتتٸك قورعاۋ مينيسترلٸگٸنە ۇسىنىستار جولداپ, نەتيجەسٸندە ەرەجەلەرگە ٶزگەرٸستەر ەنگٸزٸلدٸ: ەندٸ جەردەماقى تاعايىنداۋ كەزٸندە «ٶتكەن» كٷنمەن تٶلەنگەن زەينەتاقى جارنالارى ەسەپكە الىنبايدى.