«قارجى نارىعى سۋبەكتٸلەرٸنٸڭ جۇمىس رەجيمٸ تۋرالى» قر ۇلتتىق بانكٸ مەن قر قارجى نارىعىن رەتتەۋ جەنە دامىتۋ اگەنتتٸگٸنٸڭ بٸرلەسكەن بۇيرىعىنا ەنگٸزٸلگەن ٶزگەرٸستەر جارييالاندى, دەپ حابارلادى "ۇلت اقپارات".
بۇيرىققا سەيكەس, 2020 جىلعى 7 قىركٷيەكتەن باستاپ ٶندٸرٸستٸك قاجەتتٸلٸك بولعان كەزدە فيليالدىڭ شتات سانىنىڭ كەمٸندە 30% قىزمەتكەرٸ قاشىقتان جۇمىس ٸستەۋ نىسانىنا اۋىسا الاتىن ەكٸنشٸ دەڭگەيدەگٸ بانكتەردٸڭ فيليالدارىن (بٶلٸمشەلەرٸن, پۋنكتتەرٸن) قوسپاعاندا, جالپى شتات سانىنىڭ كەمٸندە 50% قىزمەتكەرٸنٸڭ قاشىقتان جۇمىس ٸستەۋ نىسانىنا اۋىسۋىن قامتاماسىز ەتۋٸ كەرەك.
«جۇمىس كەستەسٸ ساعات 9:00-دەن 18:00-گە دەيٸن بەلگٸلەنەتٸن ەكٸنشٸ دەڭگەيدەگٸ بانكتەردٸ جەنە قىزمەتٸن ۇلتتىق بانكٸنٸڭ قولما-قول شەتەل ۆاليۋتاسىمەن ايىرباستاۋ وپەراتسييالارىنا ارنالعان ليتسەنزييانىڭ نەگٸزٸندە ايىرباستاۋ پۋنكتتەرٸ عانا ارقىلى جٷزەگە اسىراتىن زاڭدى تۇلعالاردى قوسپاعاندا, جۇمىس كەستەسٸن ساعات 9:00-دەن 17:00-گە دەيٸن بەلگٸلەسٸن», - دەلٸنگەن قۇجاتتا.
سونىمەن قاتار بۇيرىقتا قىزمەتتەردٸ بارىنشا ونلاين-رەجيمدە كٶرسەتۋدٸ قامتاماسىز ەتۋ كەرەكتٸگٸ اتالىپ ٶتكەن. وسى بٸرلەسكەن بۇيرىق قول قويىلعان كٷنٸنەن باستاپ كٷشٸنە ەنەدٸ
