«Qarjy naryǵy sýbektileriniń jumys rejimi týraly» QR Ulttyq banki men QR Qarjy naryǵyn retteý jáne damytý agenttiginiń birlesken buiryǵyna engizilgen ózgerister jariialandy, dep habarlady "Ult aqparat".
Buiryqqa sáikes, 2020 jylǵy 7 qyrkúiekten bastap óndiristik qajettilik bolǵan kezde filialdyń shtat sanynyń keminde 30% qyzmetkeri qashyqtan jumys isteý nysanyna aýysa alatyn ekinshi deńgeidegi bankterdiń filialdaryn (bólimshelerin, pýnktterin) qospaǵanda, jalpy shtat sanynyń keminde 50% qyzmetkeriniń qashyqtan jumys isteý nysanyna aýysýyn qamtamasyz etýi kerek.
«Jumys kestesi saǵat 9:00-den 18:00-ge deiin belgilenetin ekinshi deńgeidegi bankterdi jáne qyzmetin Ulttyq bankiniń qolma-qol shetel valiýtasymen aiyrbastaý operatsiialaryna arnalǵan litsenziianyń negizinde aiyrbastaý pýnktteri ǵana arqyly júzege asyratyn zańdy tulǵalardy qospaǵanda, jumys kestesin saǵat 9:00-den 17:00-ge deiin belgilesin», - delingen qujatta.
Sonymen qatar buiryqta qyzmetterdi barynsha onlain-rejimde kórsetýdi qamtamasyz etý kerektigi atalyp ótken. Osy birlesken buiryq qol qoiylǵan kúninen bastap kúshine enedi
