بٷگٸن الماتىدا ٶتٸپ جاتقان قارجىگەرلەر كونگرەسٸندە «باسپانا» يپوتەكالىق ۇيىمى» اق باسقارما تٶراعاسى قايرات التىنبەكوۆ «7-20-25» باعدارلاماسى بويىنشا نەسيەنٸ ونلاين ماقۇلداۋ قاشان ەنگٸزٸلەتٸنٸن حابارلادى, دەپ حابارلايدى قازاقپارات تٸلشٸسٸ.
«بٸز قازٸر وسى جوبا بويىنشا جۇمىس جاساپ جاتىرمىز. جاڭا جوبا بولاشاق كليەنتتەرگە نەسيەنٸ ونلاين ماقۇلداۋعا مٷمكٸندٸك بەرەدٸ. بۇل يپوتەكالىق كالكۋلياتور ەمەس, نەسيەنٸ ماقۇلداۋ. ول ٷشٸن بانككە كەلٸپ ۋاقىت شىعىنداۋدىڭ قاجەتٸ جوق. بٸرٸنشٸدەن, بارلىق اقپارات بٸرٸنشٸ نەسيە بيۋروسىندا بار. ەكٸنشٸدەن, ادامنىڭ تابىسى جايلى اقپاراتتى بٸز زەينەتاقى تٶلەمدەرٸ بويىنشا مەملەكەتتٸك ورتالىقتان, مەلٸمەتتەردٸڭ مەملەكەتتٸك دەرەكقورىنان الامىز. بٸز كليەنت تۋرالى اقپاراتتى تولىق بٸلەتٸن بولامىز. ەرينە, تەك ونىڭ رۇقساتىمەن عانا», - دەدٸ قايرات التىنبەكوۆ.
ونىڭ ايتۋىنشا, بارلىق اقپارات اۆتوماتتى رەجٸمدە ٶڭدەلٸپ, قۇزىرلى ورگاندار نەسيەنٸ ماقۇلداۋ تۋرالى شەشٸم شىعارا الادى.
ودان ەرٸ ەلەكتروندى نەسيە ٸسٸ جاسالادى. بۇل بانككە قاعاز قۇجاتتاردى تاسۋدىڭ قاجەتتٸلٸگٸن جويادى.
«قازٸر بٸز وسى پيلوتتىق جوبانى قولعا الىپ جاتىرمىز. كەلەر جىلدىڭ باسىندا بۇل جٷيە تولىق ٸسكە قوسىلاتىن بولادى. جاڭا جوبا كليەنتتەردٸڭ نەسيە الۋ جىلدامدىعىن جاقسارتىپ, بانكتٸڭ شىعىندارىن قىسقارتادى. نەسيەنٸ بەرۋ ٷشٸن وعان اۋديت جاساۋدىڭ قاجەتتٸلٸگٸ بولمايدى», - دەدٸ قايرات التىنبەكوۆ.
ايتا كەتسەك, قر ۇلتتىق بانكٸ تٶراعاسى اتالعان باعدارلامانىڭ وپەراتورى «باسپانا» يپوتەكالىق ۇيىمى بولاتىنىن 5 مامىردا ايتقان ەدٸ. ۇلتتىق بانك بەكٸتكەن باعدارلاما بويىنشا يپوتەكالىق قارىزدار 7% جىلدىق مٶلشەرلەمەمەن 25 جىلعا بەرٸلەدٸ. كەلەسٸ شارتتارىنىڭ بٸرٸ - العاشقى سالىم 20% بولماق. جاڭا يپوتەكالىق زايمداردى قازاقستاننىڭ كەز كەلگەن ازاماتى الا الادى. ول ٷشٸن ەڭ باستى شارت - ادامنىڭ باسىندا جىلجىمايتىن مٷلكٸ بولماۋى كەرەك. باعدارلاما بويىنشا قازاقستاننىڭ كەز كەلگەن ٶڭٸرٸنەن الماتى, استانا, اتىراۋ, شىمكەنت قالالارىنان ەڭ ماكسيمالدى 25 ملن تەڭگەگە, قالعان ٶڭٸرلەردە 15 ملن تەڭگەگە باسپانا ساتىپ الۋعا بولادى.
قازٸرگٸ تاڭدا قازاقستان بويىنشا قۇنى 50 ملرد تەڭگە بولاتىن ٶتٸنٸمدەر قابىلداندى. ونىڭ ٸشٸندە 35 ملرد تەڭگەنٸڭ نەسيەلەرٸ ماقۇلدانىپ وتىر.
