مەملەكەت باسشىسى بەلگٸلەگەن «7-20-25. ەربٸر وتباسىنا باسپانا الۋدىڭ جاڭا مٷمكٸندٸكتەرٸن بەرۋ» باعدارلاماسىنىڭ نەگٸزگٸ ٶلشەمدەرٸ ٶزگەرٸسسٸز قالادى, بۇل تٷپكٸلٸكتٸ مٶلشەرلەمە جىلدىق 7%, كوميسسيياسىز جەنە قوسىمشا اقىسىز, تۇرعىن ٷي قۇنىنىڭ باستاپقى جارناسى 20 پايىز, كرەديتتٸڭ ەڭ ۇزاق مەرزٸمٸ 25 جىل. بۇل جٶنٸندە بٷگٸن «باسپانا» باسقارما تٶراعاسى قايرات التىنبەكوۆ ۇلتتىق بانكتٸڭ جەنە «باسپانا» يپوتەكالىق ۇيىمىنىڭ الماتى قالاسىندا ٶتكەن بريفينگٸ بارىسىندا ايتىپ بەردٸ, دەپ حابارلايدى Baq.kz اقپارات اگەنتتٸگٸ.
ول تۇرعىن ٷي ساتىپ الۋ ٷشٸن استانا, الماتى, اقتاۋ جەنە اتىراۋ قالالارى ٷشٸن باعانىڭ ەڭ جوعارى شەگٸ 25 ميلليون تەڭگە, ال قالعان ٶڭٸرلەر ٷشٸن - 15 ملن تەڭگە دەپ بەلگٸلەنگەنٸن اتاپ ٶتتٸ. نىسانالى ينديكاتورلارعا سەيكەس يپوتەكالىق كرەديتتەردٸڭ جالپى كٶلەمٸ 1 تريلليون تەڭگەنٸ قۇرايدى.
«باعدارلاماعا مەنشٸك قۇقىعىندا باسپاناسى جەنە باسقا دا يپوتەكالىق قارىزدارى جوق قازاقستاننىڭ ەربٸر ازاماتى قاتىسا الادى. باعدارلاما قاتىسۋشىسىنىڭ كەسٸپكەرلٸك نەمەسە ەڭبەك قىزمەتٸنەن تۇراقتى راستالعان كٸرٸسٸ بولۋعا تيٸس. قازٸرگٸ تاڭدا «باسپانا» تسەنتركرەديت بانكٸمەن, حالىق بانكٸمەن, ەۋرازييا بانكٸمەن, تسەسنا بانكٸمەن, اتف بانكٸمەن, ربك بانكٸمەن جەنە تۇرعىن ٷي قۇرىلىسى جيناق بانكٸمەن كەلٸسٸمگە قول قويدى. سبەربانك پەن فورتە بانك باعدارلاماعا قىزىعۋشىلىق تانىتتى جەنە تەحنيكالىق جۇمىستاردى اياقتاعاننان كەيٸن «7-20-25» يپوتەكالىق باعدارلاماسى جٶنٸندەگٸ كەلٸسٸمگە قول قويۋعا دايىن. وسىلايشا, بٸزدٸڭ ەرٸپتەس بانكتەرٸمٸزدٸڭ دامىعان جەلٸسٸن ەسكەرە وتىرىپ, بٸز «7-20-25» يپوتەكالىق باعدارلاماسى ەلدٸڭ بارلىق ٶڭٸرلەرٸن قامتىپ, قازاقستاننىڭ بٸراز ازاماتىنا كٶپتەن كٷتكەن تۇرعىن ٷيٸن الۋعا كٶمەكتەسەدٸ دەپ ٷمٸتتەنەمٸز», - دەدٸ ق. التىنبەكوۆ.
ونىڭ ايتۋىنشا, باعدارلاماعا قاتىسۋ ٷشٸن كەلەسٸ قۇجاتتاردىڭ بولۋى جٶنٸندەگٸ تالاپتار ايقىندالدى. اتاپ ايتقاندا, ەلەۋەتتٸ قارىز الۋشى بانككە ەڭبەك نەمەسە كەسٸپكەرلٸك قىزمەتتەن كٸرٸسٸنٸڭ بولۋىن راستايتىن قۇجاتتاردى, يپوتەكالىق تۇرعىن ٷي قارىزدارى بويىنشا ٶتەلمەگەن بەرەشەگٸنٸڭ بولماۋى تۋرالى مەلٸمەتتٸ, تۇرعىن ٷيٸنٸڭ بولماۋى تۋرالى انىقتامانى, ساتىپ الاتىن تۇرعىن ٷي قۇجاتتارىن جەنە تەۋەلسٸز باعالاۋشىنىڭ باعاسىن ۇسىنۋعا تيٸس.
«يپوتەكالىق كرەديتتەردٸ ساتىپ الۋ تەتٸگٸ ەرٸپتەس بانكتەرمەن وڭتايلى پىسىقتالۋدا. بانكتەر يپوتەكالىق كرەديتتەردٸ 7-20-25 باعدارلاماسىنىڭ تالاپتارىنا سەيكەس بەرەدٸ, «باسپانا» ٶز كەزەگٸندە بانكتەردەن يپوتەكالىق كرەديتتەردٸ ساتىپ الادى. بٸز رەسمي www.baspana72025.kz سايتىن ٸسكە قوستىق, ودان بارلىق قاجەتتٸ اقپاراتتى الۋعا بولادى. سونداي-اق + 7 (727) 227-20-25 تەگٸن نٶمٸرٸ بويىنشا call-ورتالىق تەۋلٸك بويى جۇمىس ٸستەيدٸ. قازٸرگٸ ۋاقىتتا 7-20-25 باعدارلاماسىنىڭ موبيلدٸ قوسىمشاسى ەزٸرلەنۋدە, ول جۋىق ارادا App Store مەن Play ماركەت ارقىلى كٶشٸرٸپ الۋ ٷشٸن قول جەتٸمدٸ بولادى», - دەدٸ ق. التىنبەكوۆ.
قورىتىندىلاي كەلە, ول بۇقارالىق اقپارات قۇرالدارى مەن ەلەۋمەتتٸك جەلٸلەر ارقىلى تٷسٸندٸرۋ جۇمىستارى جٷرگٸزٸلەتٸن بولادى دەپ اتاپ ٶتتٸ. «باسپانا» كەز كەلگەن قاجەتتٸ اقپاراتتى جەدەل ەرٸ تولىق كٶلەمدە ۇسىنۋعا دايىن.
