«7-20-25» باعدارلاماسىنىڭ قاتىسۋشىلارى «نۇرلى جەر» مەملەكەتتٸك باعدارلاماسى بويىنشا سالىنعان تۇرعىن ٷيدٸ ساتىپ الۋ مٷمكٸندٸگٸن الدى, دەپ حابارلايدى «باسپانا» يپوتەكالىق ۇيىمى. تۇرعىن ٷيلەردٸ ٶتكٸزۋ قاعيدالارىنا تيٸستٸ ٶزگەرٸستەر 2019 جىلدىڭ باسىندا كٷشٸنە ەندٸ.
بۇعان دەيٸن «نۇرلى جەر» باعدارلاماسى بويىنشا سالىنعان تۇرعىن ٷيلەر ەكٸمدٸكتەردە كەزەكتە تۇرعاندار مەن قازاقستان تۇرعىن ٷي قۇرىلىس جيناق بانكٸنٸڭ سالىمشىلارى اراسىندا بٶلٸنٸپ كەلگەن ەدٸ.
مەملەكەتتٸك تۇرعىن ٷيدٸڭ باعالارى نارىققا قاراعاندا ارزان ەرٸ ٶڭٸرلەردە كٶپتەپ سالىنادى. بٸر شارشى مەترٸنٸڭ باعاسى استانا, الماتى (قالا ماڭىنداعى ايماقتاردى قوسا العاندا), اتىراۋ جەنە اقتاۋ قالالارىندا 180 مىڭ تەڭگە, باسقا ٶڭٸرلەردە 140 مىڭ تەڭگە قۇرايدى. مىسالى, استانادا كٶلەمٸ 60 شارشى مەتردٸ قۇرايتىن ەكٸ بٶلمەلٸ پەتەردٸ 10,8 ملن تەڭگەگە الۋعا بولادى. ونى 25 جىلعا العاندا اي سايىنعى تٶلەم 61 مىڭ تەڭگەدەن اسپايدى.
«7-20-25» ارقىلى «نۇرلى جەر» باعدارلاماسىنىڭ ٷيلەرٸن الۋ ايتارلىقتاي جەڭٸل. ونىڭ بٸر سەبەبٸ, ەكٸمدٸككە كەزەككە تۇرۋ نەمەسە اي سايىن دەپوزيتكە اقشا جيناۋدىڭ ەش قاجەتٸ جوق. پەتەردٸ تاڭداپ, «7-20-25» باعدارلاماسىنا قاتىسۋشى بانككە تۇرعىن ٷي قۇنىنىڭ 20 پايىزىن العاشقى جارنا رەتٸندە سالسا جەتكٸلٸكتٸ.
«نۇرلى جەر» باعدارلاماسىنىڭ ينديكاتورلارىنا سەيكەس اعىمداعى جىلى 20 مىڭعا جۋىق پەتەر سالۋ جوسپارلانىپ وتىر. ەڭ كٶپ پەتەر الماتىدا (3170), شىمكەنتتە (1981), استانادا (1873) جەنە قوستاناي وبلىسىندا (1794) بەرٸلەتٸن بولادى.
