استانادا 60-تان استام ادامدى الداپ, جارتى ميلليارد تەڭگەدەن استام شىعىن كەلتٸرگەن ەيەل سوتتالدى, دەپ حابارلايدى ult.kz.
ەلوردادا بٸرنەشە مەرتە الاياقتىق جاساعانى ٷشٸن كٸنەلٸ دەپ تانىلعان ەيەلگە قاتىستى سوت ٷكٸمٸ زاڭدى كٷشٸنە ەندٸ. بۇل تۋرالى استانا قالاسىنىڭ پروكۋراتۋراسى حابارلادى.
تەرگەۋ مەلٸمەتٸنشە, ەيەل ٶزٸنە سەنگەن كٶرشٸلەرٸ, دوستارى جەنە ەسكٸ تانىستارىن الداۋ سحەماسىن ۇيىمداستىرعان. ول «تانىستارى ارقىلى» يپوتەكانى جەدەل رەسٸمدەپ, پەتەر الىپ بەرۋگە نەمەسە دەكرەتتٸك تٶلەم كٶلەمٸن كٶبەيتۋگە كٶمەكتەسەتٸنٸن ايتىپ, ازاماتتاردان اقشا العان. كەيبٸرٸنە نەسيە رەسٸمدەتٸپ, تٸپتٸ جىلجىمايتىن مٷلكٸن كەپٸلگە قويۋعا كٶندٸرگەن.
الايدا الىنعان قاراجاتتى ۋەدە ەتٸلگەن ماقساتقا جۇمساماي, ٶز قاجەتٸنە پايدالانعان.
ٸس ماتەريالدارىنا سەيكەس, جەبٸرلەنۋشٸلەردٸڭ بٸرٸ ەكٸ بٶلمەلٸ پەتەرٸن كەپٸلگە قويىپ, بانكتەن 16 ميلليون تەڭگە نەسيە العان. سوتتالۋشى نەسيەنٸ ٶزٸ ٶتەپ, ٷش بٶلمەلٸ پەتەر الىپ بەرەتٸنٸن ايتقان. العاشىندا بٸرنەشە اي تٶلەم جاساعانىمەن, كەيٸن بايلانىسىن ٷزٸپ, تٶلەمدٸ توقتاتقان. سونىڭ سالدارىنان جەبٸرلەنۋشٸ 9 ميلليون تەڭگەدەن استام شىعىنعا ۇشىراعان.
تاعى بٸر ەپيزودتا ەيەل جەبٸرلەنۋشٸنٸڭ جۇبايىنىڭ دەكرەتتٸك تٶلەمٸن كٶبەيتٸپ بەرۋگە ۋەدە ەتٸپ, 5 ميلليون تەڭگەدەن استام قاراجاتتى يەمدەنگەن.
پروكۋراتۋرانىڭ مەلٸمەتٸنشە, الاياقتىڭ ەرەكەتٸنەن 60-تان استام ادام زارداپ شەگٸپ, ولارعا كەلتٸرٸلگەن جالپى ماتەريالدىق شىعىن 500 ميلليون تەڭگەدەن اسقان.
سوت بارىسىندا ايىپتالۋشى كٸنەسٸن ٸشٸنارا عانا مويىنداپ, تەك كەيبٸر ەپيزودتار بويىنشا ٶكٸنٸش بٸلدٸرگەن.
سوت ٷكٸمٸمەن ول 6 جىل 8 ايعا باس بوستاندىعىنان ايىرىلدى. سونىمەن قاتار جەبٸرلەنۋشٸلەردٸڭ ماتەريالدىق شىعىندى ٶندٸرۋ تۋرالى ازاماتتىق تالاپتارى تولىق قاناعاتتاندىرىلدى.
ٷكٸم زاڭدى كٷشٸنە ەندٸ.
